बिज्ञापन

बिज्ञापन

उनका अनुसार,गत असार १२ गतेदेखि नै तत्कालीन प्रमुख प्रशासकीय अधिकृत सम्पर्कविहीन भएपछि असार २२ गते मन्त्रालय पुग्दा समेत सचिव र मन्त्रीले भेट्न अस्वीकार गरेका थिए । पछि साउन ४ गते हाजिर भएका नयाँ अधिकृत पनि भदौ ५ गतेदेखि कार्यालयलाई कुनै जानकारी नदिई अनुपस्थित भई निजामती सेवाबाट अवकाश लिएकाले नगरपालिका पुनः हाकिमविहीन बनेको छ । उनका अनुसार, मन्त्रालयले उपसचिव निलमकुमार न्यौपानेलाई मौलापुरको प्रमुख प्रशासकीय अधिकृतको रूपमा सरुवा गर्‍यो । साउन ४ गते उपसचिव न्यौपाने मौलापुर नगरपालिकाको प्रमुख प्रशासकीय अधिकृतका रूपमा हाजिर भए का उनले भदौ ५ गते कार्यालयबाट निस्किएका न्यौपानेले राजीनामा दिएको जानकारी नगरपालिकाले पाएको छ । पालिका झण्डै महिनौंदेखि प्रमुख प्रशासकीय अधिकृतविहिन हुँदा चालु आर्थिक वर्ष २०८३ ०८४ को बजेट कार्यान्वयनदेखि कर्मचारीको तलब भुक्तानीसम्मका काम प्रभावित भएको छ ।

यसरी पालिका प्रमुख प्रशासकीय अधिकृतविहिन बनाइएसँगै त्यहाँको मेयर रिनाकुमारी साहले प्रधानमन्त्री बालेन्द्र शाहलाई सम्बोधन गर्दै नगरपालिकामा देखिएको प्रशासनिक संकट समाधान गर्न ‘सार्वजनिक अपिल’ गरकी छिन् ।

उनले सोधेकी छन्, ‘तपाईं महानगरको नगर प्रमुख हुँदा सफाई कर्मचारीहरूको तलब १ हप्ताभित्र नभए सबैलाई टुकुचामा गाडिदिने अभिव्यक्ति दिनुभएको थियो । मेरा कर्मचारीहरूको तलब २ महिनादेखि ८ महिनासम्म, जनप्रतिनिधिहरूको सुविधा ४ महिना र वडा सञ्चालन खर्च ८ महिनादेखि भुक्तानी हुन बाँकी छ । यसका लागि कस कसलाई लालबकैयामा गाड्नु पर्ने हो, सल्लाह पाउँ ।’