भूमि व्यवस्था सहकारी,संघीय मामिला तथा सामान्य प्रशासन मन्त्रालयले ४६ जना शाखा अधिकृतहरुको सरुवा गरेको छ । मन्त्रालयको बिहिबारको निर्णय अनुसार गरिएको सरुवा सूची अनुसार तीस जना शाखा अधिकृतहरुलाई विभिन्न गाउँपालिकाको प्रमुख प्रशासकीय अधिकृतको जिम्मेवारी दिएर पठाएको छ । १६ जनालाई सिंहदरबारस्थित मन्त्रालय,राष्ट्रिय योजना आयोग र राष्ट्रिय प्राकृतिक स्रोत तथा वित्त आयोगमा ल्याएको छ ।

बिज्ञापन

सरुवाको सूची अनुसार,तुलसी उपाध्यायलाई त्रिवेणी गाउँपालिकामा खटाइएको छ । उनी यस अघि ठाँटीकाँध गाउँपालिका दैलेखमा कार्यरत थिए । यस्तै कारागार व्यवस्थापन विभागबाट ज्योस्ना जोशी भट्टलाई जानकी गाउँपालिका,योजना आयोगबाट हरिबहादुर पोखरेललाई डोल्पा,कम्पनी रजिष्ट्रारबाट चेतन कुमार खत्रीलाई पातला,सम्पत्ति शुद्धीकरण विभागबाट जनकराज शर्मालाई पूर्वीचौकी गाउँपालिकामा खटाइएको छ ।