सङ्घीय संसद्का दुवै सदनको बैठक आज बस्दैछ । सङ्घीय संसद् सचिवालयका अनुसार, प्रतिनिधिसभाको बैठक अपराह्न १ बजे बस्दैछ । सो बैठकमा अर्थमन्त्री डा स्वर्णिम वाग्लेले तीन वटा विधेयक पेश गर्दैछन् । सम्भावित कार्यसूची अनुसार अर्थमन्त्री वाग्लेले नागरिक लगानी कोष (तेस्रो संशोधन) विधेयक, २०८३’ र ‘भुक्तानी तथा फर्स्योट (पहिलो संशोधन) विधेयक, २०८३’ र कर्मचारी सञ्चय कोष (दशौँ संशोधन) विधेयक, २०८३ माथि प्रस्ताव प्रस्तुत गर्दैछन ।
यस्तै, आजैको बैठकमा कानुन, न्याय तथा संसदीय मामिलामन्त्री सोविता गौतमले ‘एसियाली विधायिकी संस्थाहरुको परिषद्को सदस्यता प्राप्त गर्नेसम्बन्धी प्रस्तावमाथि सामान्य छलफल गरियोस्’ भन्ने प्रस्ताव प्रस्तुत गर्ने कार्य सूची छ ।

बिज्ञापन

अपरान्ह १ १५ बजे उपल्लो सदनको बैठक बस्दै छ । जहाँ सभामुखले राष्ट्रियसभाका पूर्व सदस्य शुक्रराज संयोकको निधनमा शोक प्रस्ताव प्रस्तुत गर्ने छन् ।