६ दिन अगाडि स्थगित भएको प्रतिनिधि सभाको बैठक भोलि मध्यान्ह बस्दैछ । रसुवा बाढीपछि लामो समय स्थगित भएको बैठक गत भदौं १८ मा बसेको थियो । ६ दिन स्थगित भएको सो बैठक भोलि बस्न लागेको हो ।
बिज्ञापन
भोलिको बैठकमा कानुन, न्याय तथा संसदीय मामिला मन्त्री सोविता गौतमले ३ विधेयक तथा प्रस्ताव प्रस्तुत गर्ने सम्भावित कार्यसूची तय भएको छ। संघीय संसद सचिवालयका अनुसार
नेपाल कानुन आयोग (पहिलो संशोधन) विधेयक, २०८३’ लाई कानुनमन्त्री गौतमले सदनमा प्रस्तुत गर्न अनुमति माग्ने कार्यसूचीमा रहेको छ । अनुमति प्राप्त भए लगत्तै सोही बैठकमा उक्त विधेयक प्रस्तुत गर्ने कार्यक्रम रहेको छ ।
यस्तै मेलमिलापसम्बन्धी (दोस्रो संशोधन) विधेयक, २०८३ माथि विचार गरियोस्’ भनी सदन समक्ष प्रस्ताव प्रस्तुत गर्दैछिन भने कानुनमन्त्री गौतमले एसियाली विधायिकी संस्थाहरूको परिषद् सम्बन्धी प्रस्ताव पनि मन्त्री गौतमले पेस गर्ने सम्भावित कार्यसूची तय गरिएको छ।
बिज्ञापन
यसअन्तर्गत उनले ‘एसियाली विधायिकी संस्थाहरूको परिषद्को सदस्यता प्राप्त गर्ने सम्बन्धी प्रस्ताव’ सभासमक्ष पेस गर्ने कार्यसूची छ।
