बर्तमान सरकार बने यताको पाँच महिनामा १३७ सहसचिवहरुको सरुवा क्याविनेटले गरेको छ । मन नपर्ने सहसचिवहरुलाई भकुण्डो बनाउने सिलसिला चैत्र १६ देखि जारी छ । सत्तामा आउने व्यक्ति फेरिएको हो,प्रवृत्ति उस्तै देखिन्छ । नयाँ ‘पुराना’ र ‘नयाँ’बीच कुनै फरकपना नदेखिएको भन्दै कर्मचारीहरुले तीतो पोख्न थालेका छन् ।

बिज्ञापन

हिजोको पुरातन सत्ताको पदचाप पच्छ्याउँदै वर्तमान सरकार समेत कर्मचारी सरुवामै अल्झन थालेको छ । गत चैत्र १३ यतामात्र सरकारले १३७ जना सहसचिवको क्याविनेटबाटै सरुवा गरेको भेटिन्छ । झण्डै ६ सय भन्दा बढी सहसचिवको दरबन्दी रहेकोमा चार महिनाको अवधिमा एक चौथाइ सहसचिवहरु सरुवा परिसकेका छन् । त्यो पनि विभागीय मन्त्री तथा सचिवसँग परामर्श विनै ।