रसुवा बाढीले नुवाकोटका बेत्रावती, त्रिशुली, देवीघाटलगायतका क्षेत्रमा व्यापक क्षति भएको छ । तिब्बततर्फबाट रसुवाको भोटेकोशीमा बाढी आउँदा रसुवा,नुवाकोट,धािदङ,चितवन लगायतका जिल्लामा जनधनको क्षती हुन पुगेको हो । भोटेकोशीमा अचानक तिब्बतर्फबाट आएको भिषण बाढीले नेपालतर्फ रसुवा जिल्लामा मा अकल्पनीय क्षति पुर्याएको छ । आज बिहान ९ बजे रसुवा जिल्लाको टिमुरे बजारमा आकस्मिक बाढी आएको हो । सो बाढीले अहिलेसम्म रसुवा र नुवाकोटको तटीय क्षेत्रमा ठूलो क्षति पुगेको जनाएको छ । यो क्षतिको सघन असर मुग्लिङसम्म पर्ने गृह प्रशासनले जनाएको छ । त्रिसुली नदी जोडिएका सबै तटीय क्षेत्र जोखिममा रहेको भन्दै सतर्कता अपनाउन गृह प्रशासनले आग्रह गरिएको छ ।

बिज्ञापन

रसुवा बाढीले नुवाकोटका बेत्रावती, त्रिशुली, देवीघाटलगायतका क्षेत्रमा व्यापक क्षति पुगेको रसुवा र नुवाकोटका जिल्ला प्रशासन कार्यालयहरुले जनाएका छन । जिल्ला प्रशासन कार्यालय रसुवा र नुवाकोटका अनुसार, नुवाकोटका प्रमुख बजारहरू बेत्रावती, त्रिशुली, ढुङ्गे र देवीघाट क्षेत्र प्रभावित भएका छन्। बेत्रावती बजारदेखि तल देवीघाटसम्मकै तटीय क्षेत्रहरूमा बाढीले क्षति पुर्‍याएको खबर आएको नुवाकोटका प्रमुख जिल्ला अधिकारी शम्भु प्रसाद रेग्मीले जनाएका छन् ।