साइमेक्स इंकलाई भन्सार छलेर ल्याएको गाडीको १९ करोड २७ लाख १७ हजार २५ रकम दाखिला गरेको छ । अर्थ मन्त्रालयबाट चुहिएको सूचनाका आधारमा बीवाईडीले बजेट भाषणको अघिल्लो दिनसम्म मुस्ताङको कोराला नाकाबाट कुल ६४९ वटा ईभी जाँचपास गराएको थियो भने रसुवा भन्सारबाट समेत यसैगरी गाडी आयात गरिएको थियो । सो कम्पनीले बजेट भाषणको पूर्व सन्ध्यामा भन्सार यार्डमा आइ नपुगेका गाडी कागजी रुपमा आइसकेको देखाएर जाँचपास गराइएको थियो। यसरी कागजी रुपमा मात्र सामान आएको देखाएर भन्सार पास गरिँदा सरकारलाई करोडौँ रुपैयाँ नोक्सान भएको थियो । सो कम्पनीले जेठ महिनामा मात्र सो कम्पनीले रसुवा भन्सार नाकाबाट १३ सय ९६ वटा गाडी जाँचपास गराएकोमा पछिल्लो दुई सातामा ११ सयभन्दा बढी युनिट गाडी जाँजपास भएको तथ्यांक सार्वजनिक भएको थियो । सो बिषयमा छानबिन गर्न अर्थ मन्त्रालयले छानबिन समिति नै बनायो । उक्त समिति रसुवा पुगेर स्थलगत अध्ययन अनुसन्धानको क्रममा भन्सार कार्यालयबाट सवारीसाधन भन्सारमा भौतिकरूपमा आइनपुग्दै कागजातका आधारमा मात्र जाँचपास गरिएको फेला परेसँगै कार्यालय प्रमुखसहित १३ जनालाई निलम्बनै गरियो ।

बिज्ञापन

यो प्रकरणमा बीवाईडीले कर्मचारीहरुसँगको मिलेमतोमा राजस्व छली गरेको तथ्य बाहिरिएको छ । सो राजश्व तिर्न भन्सारले पत्राचार गरेपछि त्यसविरुद्ध बीवाईडी बिक्रेता साइमेक्स इंककी सञ्चालक यमुना श्रेष्ठ गएको असार ३१ मा उच्च अदालत पुगेकी थिइन तर उच्च अदालत पाटनका न्यायधीशद्धय स्वीकृति पराजुली र अच्युत कुइकेलको इजलाशले यमुनाको माग अनुसार अन्तरिम आदेश दिन इन्कार गरेसगै भन्सारले निर्धारण गरे अनुसार कर तिरेको हो ।