मुख्यमन्त्री तथा मन्त्रिपरिषद्को कार्यालय मधेश प्रदेशले बढुवाको संशोधित सूची सार्वजनिक गरेको छ । यस अघि नेपाल प्रशासन सेवा,सामान्य प्रशासन,अधिकृत सातौं (प्राविधिक) तहमा भएको बढुवा सिफारिसको निर्णयविरुद्ध प्रदेश लोकसेवा आयोग,मधेश प्रदेश धनुषालाई विपक्षी बनाइ राम हृदय यादव,कामेश्वर प्रसाद रोहिता र दिनय कुमार महतो प्रशासकीय अदालतमा पुगेका थिए ।

बिज्ञापन

झण्डै १० महिना पछि प्रशासकीय अदालतका टेक बहादुर घिमिरे,नवल किशोर यादव र आलोक चन्द्र श्रेष्ठको इजलाशले गत जेठमा आदेश गरेसँगै जेष्ठता र कार्यसम्पादन बढुवा सूची संशोधन गरेको हो ।
संशोधित सूची अनुसार राम स्वार्थ महत्तो,दिपक कुमार ठाकुर,राम हृदय यादव,राम जिवन महत्तो,शम्भु महत्तो,राम आशिष राय र तेजेन्द्र कुमार गिरीलाई संशोधित योग्यताक्रमको आधारमा बढुवा गरिएको समितिले जनाएको छ ।