जलश्रोत तथा सिचाई विभागले लामो रस्साकस्सी पछि ओएनएम टुंग्याएको छ । विभागले लामो रस्साकस्सी पछि ४५३ मौजुदा दरबन्दीमा १५५ दरबन्दी कटौती गरेर ३४० दरबन्दी कायम गर्ने प्रस्ताव अगाडि बढाएको छ । उपसचिव तहका सिनियर डिभिजनल हाइड्रोलोजिष्ट २ दरबन्दी थप गरेको छ ।
जस अनुसार सिभलि समूह,इरिगेसतर्फ सहसचिव तहको १५ दरबन्दी रहेकोमा ८ दरबन्दी कटौतीमा परेर ७ कायम गरिएको छ । यस्तै,एगृ इीरगेसनतर्फ ३ सहससचिव (प्रा) दरबन्दी रहेकोमा त्यसलाई चलाइएको छैन । यस्तै जियोलोजीतर्फका २ सहसचिवको दरबन्दी यथावत राखिएको छ ।
यस्तै सिनियर डिभिजनल इन्जिनियर (सिडिई),सिभिल समूह,इरिगेसनतर्फ ६० दरबन्दी रहेकोमा ५ कटौती गरेर ५५ मा सीमित राखिएको छ । एगृ इरिगेसनतर्फको १३ दरबन्दी यथावत राखिँदा सिनियर डिभिजनल हाइड्रोलोजिष्ट २ दरबन्दी थप गरी ८ बनाइएको छ । यस्तै मेकानिकल तर्फको १,जियोलोजीतर्फको इन्जिनियरको दरबन्दी यथावत रहेको छ भने विविध सेवाका बरिष्ठ समाजशास्त्री ३ जनाको दरबन्दी रहेकोमा २ मा झारिएको छ ।
प्राप्त विवरण अनुसार,शाखा अधिकृत तहको इरिगेसनतर्फको दरबन्दी १५६ बाट १९ कटौती गरेर १३७ बनाइएको छ भने एगृ इरिगेसनतर्फको २८ दरबन्दी रहेकोमा २ कटौती गरेर २६ कायम गरिएको छ । जनरल इलेक्ट्रिकल २,निर्माण उपकरण सम्भारतर्फको ४ इन्जिनियर र जियोलोजी तथा हाइडेरोलोजीतर्फका दरबन्दी यथावत राखिएको छ ।
सबैभन्दा धेरै सब इन्जिनियरको दरबन्दी कटौतीमा परेको छ । ती कर्मचारीहरुको धर्ना र विरोधका कार्यक्रमका बीच व्याकडेटमा ओएनएम स्वीकृत गराइ यस अघि १६७ सब इन्जिनियरको दरबन्दी रहेकामा १०७ दरबन्दी कटौती गरेर ६० मा सीमित पारिएको छ ।  यस्तै,मेकानिकलतर्फ सब इन्जिनियरको तीन दरबन्दी कटौती गरेर पाँचमा सीमित गरिएको छ भने जनरल इलेक्ट्रिकल १ दरबन्दी कटौती गरिएको छ ।

बिज्ञापन

प्रशासनिक सुधारको सब इन्जिनियरतर्फको ६५ दरबन्दी एकपक्षीय रूपमा कटौती गरिँएको प्रति सब इन्जिनियरहरुले आपत्ति जनाएका छन् । एकातिर सरकारले विकास निर्माणलाई तीव्रता दिने नीति लिने, अर्कोतर्फ फिल्डमा काम गर्ने प्राविधिक जनशक्ति नै घटाउने कार्य पूर्ण रूपमा विरोधाभासी, अव्यावहारिक र दूरदृष्टिविहीन छ। सब इन्जिनियरहरुको प्रश्न छ अब सब इन्जिनियरको काम डि ई बाट गराइने हो ?