बिज्ञापन

बिज्ञापन

अध्यागमन विभागका अनुसार गत असार १७ गते धोबीघाट र कीर्तिपुरमा छापा मारेर नौ जना चिनियाँ नागरिक र १८ वटा राहदानी नियन्त्रणमा लिएको थियो । भिजिट भिसामा नेपाल आएका चिनियाँहरु शंकास्पद गतिविधिमा संलग्न रहेको सूचनाका आधारमा समातिएका उनीहरु अध्यागमनको हिरासतमा छन् । ती विदेशी नागरिकहरुलाई कालिकास्थानस्थित अध्यागमनको हिरासतमा राखिएको छ । ती ९ जना विदेशी नागरिकका अलवा अध्यागमनको नियन्त्रणमा रहेका १५ वटा राहदानीसमेत झिकाइदिने भनी उनीहरूले ९ लाख रूपैयाँ ठगेको पाइएसँगै प्रहरीले उनीहरुलाई पक्राउ गरेको हो ।

पक्राउ पर्नेमा ललितपुर महानगरपालिका– १४ नख्खीपोट बस्ने, उदयपुर कटारी नगरपालिका– ८ सिरिसे घर भएका ३८ वर्षीय विक्रमबहादुर थापा, नवलपरासी पश्चिम, सुनौल नगरपालिका– ७, तर्गौली घर भएका ५९ वर्षीय गोपालकुमार गुरूङ र काठमाडौं महानगरपालिका– १० बुद्धनगर बस्ने, सर्लाही लालबन्दी नगरपालिका– ५ घर भएका ५२ वर्षीय नारदप्रसाद खतिवडा रहेका छन् ।