प्रदेश लोकसेवा आयोगमा राजनीतिक भागबण्डाका आधारमा सदस्य नियुक्त गरिएको छ । कोशी प्रदेश प्रमुख परशुराम खापुङले बिहीबार प्रदेश लोकसेवा आयोगमा दुई सदस्य नियुक्त गरेका छन् । यसरी दुई सदस्य नियुक्ति गर्दा नेकपा र नेपाली काँग्रेसका दुई जनाले नियुक्ति पाएका हुन ।
बिज्ञापन
आयोगको रिक्त दुई सदस्य पदमा भीमबहादुर फुदुङ लिम्बु र रमा थापालाई नियुक्त गरिएको छ। प्रदेश प्रमुख खापुङले मुख्यमन्त्री हिक्मतकुमार कार्कीको संयोजकत्वमा गठित समितिद्वारा सिफारिस एवं प्रदेश लोकसेवा ऐन, २०७६ को दफा ३ को उपदफा (२) बमोजिम प्रदेश लोकसेवा आयोगको सदस्यमा पदमा विराटनगर–३, मोरङकी रूपा थापा ओझा र उर्लाबारी–५, मोरङका भीमबहादुर सुब्बा (फुदोङ) लाई नियुक्त गरेका हुन् ।नवनियुक्त सदस्यमध्ये लिम्बु नेकपा (माओवादी केन्द्र) निकटका हुन् भने थापा नेपाली कांग्रेस निकट हुन्।
बिज्ञापन
आयोगका अध्यक्ष महेन्द्रप्रसाद गुरागाईंले प्रदेश प्रमुखको कार्यालय विराटनगरमा नवनियुक्त सदस्यलाई बिहीबारै पद तथा गोपनीयताको शपथ गराएका छन् ।
बिज्ञापन
