सरकारी स्वामित्वको स्मार्ट सेलको सम्पत्ति लिलामी प्रकरणमा नाम जोडिएपछि ज्योति प्रकाश पाण्डेले नेपाल इन्भेष्टमेन्ट मेगा बैंकको प्रमुख कार्यकारी अधिकृत (सिइओ) पदबाट बाहिरिएका छन् । बैंक स्रोतका अनुसार उनको कार्यकाल समाप्त हुने चरणमा रहेका बेला नेतृत्व परिवर्तन प्रक्रिया अघि बढाइएको हो ।
बिज्ञापन
बैंकका एक सञ्चालकले पाण्डेको बहिर्गमन पुष्टि गर्दै संस्थाले नयाँ नेतृत्व चयनको तयारी गरिरहेको बताएका छन् । पछिल्लो समय स्मार्ट सेलको सम्पत्ति लिलामीसम्बन्धी विवादमा अनुसन्धान निकायको चासो बढेसँगै पाण्डेमाथि पनि प्रश्न उठेको थियो ।
बिज्ञापन
पाण्डेको बहिर्गमनसँगै हाल डेपुटी सिइओको जिम्मेवारीमा रहेका महेश शर्मा ढकाललाई नयाँ सिइओ बनाउने तयारी बैंकले अघि बढाएको बताइएको छ ।
उता, नेपाल नागरिक उड्डयन प्राधिकरणका पूर्व महानिर्देशक प्रदिप अधिकारी सँगको शंकास्पद आर्थिक कारोबार प्रकरणमा मुछिएपछि बैंककी असिस्टेन्ट जनरल मेनेजर जेनु थापाले समेत बैंकबाट बाहिरिएको स्रोतको दाबी छ ।
बिज्ञापन
थापामाथि अधिकारीसँग सम्बन्धित अवैध स्रोतको रकम ‘सेटलमेन्ट’ गर्न भूमिका खेलेको आरोप लाग्दै आएको छ । बैंकभित्र लगातार उच्च तहका अधिकारी विवादमा तानिन थालेपछि संस्थाको आन्तरिक सुशासन र नियमन प्रक्रियामाथि समेत प्रश्न उठ्न थालेको छ ।
