सरकारी कर्मचारीहरुलाई महिनामा दुई पटक तलब खुवाउने प्रक्रिया प्रारम्भ भएको छ । १२ दिन अगाडि अर्थात गत वैशाख ४ मा  अर्थमन्त्री डा स्वर्णिम वाग्लेले सरकारी कर्मचारीहरूलाई महिनाको दुई पटक तलब दिने निर्णय गरेका थिए । सोही निर्णय अनुसार अर्थ मन्त्रालय र महालेखा नियन्त्रक कार्यालयका कर्मचारीले पहिलो पटक १५ दिनको तलब पाएका छन् । महालेखा नियन्त्रक कार्यालयका अनुसार वैशाख १६ गते अर्थ मन्त्रालय र महालेखा नियन्त्रक कार्यालयका कर्मचारीहरूले १५ १५ दिनमा तलब प्राप्त गरेका हुन । सुरुमा यसलाई पाइलटिङको रूपमा अर्थ र महालेखाबाट सुरु गरिए पनि क्रमशः यसलाई सबै संघीय निजामती कर्मचारीहरूमा विस्तार गर्ने लक्ष्य राखिएको छ।

बिज्ञापन

आज अर्थ मन्त्रालय र महालेखाका कर्मचारीले वैशाखको १५ दिनको तलब पठाइएको महालेखाले जनाएको छ । अन्य कार्यालयका कर्मचारीका लागि पाक्षिक रुपमा तलब दिने प्रणाली लागु गरिएको छ । अन्य निकायको लागि भने पाक्षिक भुक्तानीको लागि परिपत्र जारी गर्ने तयारी गरिएको छ।