एकातिर दोहोरो सुविधा लिएका कारण विवाद,अर्काेतिर पत्नीलाई स्वकीय नियुक्त गरेर २५ औं लाख बुझेका कारण लफडामा मुछिएका प्रदेश सभाका सचिवले पदबाट राजीनामा दिएका छन् ।
बिज्ञापन
यस्तै विवादका पर्याय बनेर कर्णाली प्रदेश सभाका सचिव जीवराज बुढाथोकीले अन्तत पदबाट राजीनामा दिएका छन् । २०७६ जेठ १२ मा प्रदेश सचिव नियुक्त भएका बुढाथोकी २०८१ जेठ १३ मा दोस्रोपटक सोही पदमा दोहोरिएका थिए। २०८१ जेठ १४ गते दोस्रोपटक सचिवको जिम्मेवारी सम्हालेका बुढाथोकी ६५ वर्ष पूरा भएपछि पनि पदमै थिए । पदमा रहँदा उनले पत्नीलाई स्वकीय नियुक्त गरेका थिए । सचिव बुढाथोकी प्रदेश सभा सचिवालयमा नियुत्ति भएयता उनले श्रीमतीलाई निजी सचिवमा राखेर २५ लाख पाँचसय ६० रुपैया बुझेको पाइएको छ ।
बिज्ञापन
उनको पत्नीको नाममा मासिक ३४ हजार ७ सय ३० रुपैयाँ तलब भुक्तानी हुने गरेको प्रदेश सभा सचिवालयले पठाएको थियो । तर श्रीमतीको हाजिरी समेत आफैंले लगाएर सो रकम बुझेको बिषय बाहिरिएपछि उनी विवादित बनेको थिए । यस्तै सचिव बूढाथोकीले सचिवले ३१ लाख ६९ हजार ९ सय २३ दोहारो सुविधा बुझेको बिषयमा अख्तियार लगायतका निकायमा उजुरी परेसँगै उनले सो रकम समेत फिर्ता गरेर हिजो राती प्रदेश प्रमुखको कार्यालयमा बुझाएका छन् । यद्यपि सचिवले बुझाएको राजीनामा स्वीकृत हुने प्रक्रियामा रहेको जनाइएको छ ।
बिज्ञापन
