राष्ट्रपतिको सल्लाहकारबाट राजीनामा दिएर राष्ट्रियसभाका उमेद्धार बनेका सुनिल थापा निर्विरोध निर्वाचित भएका छन् । कोशी प्रदेशबाट नेपाली कांग्रेसका उम्मेदवार सुनिल थापा निर्विरोध भएका छन् ।

बिज्ञापन

उनले उम्मेदवारी दिएको क्लष्टरबाट अरूको उम्मेदवारी नपरेपछि निर्विरोध निर्वाचित भएका हुन । थापा यस अघि राष्ट्रपति रामचन्द्र पौडेलको प्रमुख राजनीतिक सल्लाहकारको भूमिकामा थिए । कांग्रेसका पूर्व सहमहामन्त्री रहेका उनी राप्रपाका संस्थापक नेता पूर्वप्रधानमन्त्री सूर्यबहादुर थापाका छोरा हुन । सुनिल २०७७ कात्तिकमा कांग्रेस प्रवेश गरेका थिए । पञ्चायत र बहुदलीय व्यवस्थामा गरी पाँच पटक प्रधानमन्त्री बनेका सूर्यबहादुर थापाका छोरा सुनिलबहादुर बाबुको विरासत छाडेर नेपाली कांग्रेसमा प्रवेश गरेर सोही पार्टीबाट उपल्लो सदनमा निर्विरोध निर्वाचित भएर पुगेका छन् ।