सदैव शक्ति र सत्ताको आडमा राज्यका सरकारी जग्गा जमिनको दुरुपयोग गर्दै आएका एक ठूलो औद्योगिक घरानाले हदबन्दीभन्दा बढी राखेको ११५ रोपनीभन्दा बढी जग्गा अख्तियारको सक्रियता पछि रोकिएको छ ।  ललिता निवास,गिरिबन्धु, पतञ्जलि योगपीठको जग्गा प्रकरणलाई माथ खुवाउने गरी गैरकानुनी तरिकाले सरकारी जग्गा किनबेच प्रकरणमा जोडिएका डलरे अर्वपति विनोद चौधरीका कान्छो भाइ अरुण चौधरी जोडिएको सीजी होल्डिङ्गग्सको नाममा रहेको ११५ रोपनीभन्दा बढी जग्गा अख्तियारले हालैमात्र रोक्का गरेको हो ।

बिज्ञापन

यस अघि बाँसवारी जग्गा प्रकरणमा तानिएर सत्ता र शक्तिको आडमा उन्मुक्ति पाएका सीजी होल्डिङ्गग्सलाई यस पटक भारी पर्ने देखिदैछ । उसले काभ्रेमा हदबन्दीभन्दा ११५ रोपनी १० आना बढी जग्गा उपयोग गरिरहेको तथ्य उजागर भएसँगै अख्तियारले सीजी होल्डिङ्स कम्पनीको स्वामित्वमा रहेको उक्त जग्ग रोक्का गरिदिएको हो । पनौती नगरपालिका–९ खोपासीस्थित सीजी होल्डिङ्स कम्पनीको स्वामित्वमा रहेको १ सय १५ रोपनी १० आना २ पैसा जग्गा गैरकानुनी तरिकाले किनबेच भएको देखिएको भन्दै हालैमात्र उक्त जग्गा रोक्का राखेको स्रोतले जनाएको छ । स्रोतका अनुसार यो स्थानमा ०४२ सालमै राज्यका निकायहरुलाई मिलाएर त्रिशक्ति सिमेन्टले २ सय १३ रोपनी जग्गा हात पारेको थियो । ५७ सालमा क्याविनेटबाट निर्णय गराएर ११५ रोपनी जग्गा चाँदबाग स्कूल र सीजी होल्डिङ्गग्सलाई विक्री गरेको भेटिएको हो । दुई वर्षभित्र अन्यत्र जग्गा खरिद गरी बिक्री गर्ने सर्तमा मन्त्रिपरिषद्ले खोपासीको जग्गा बिक्री गर्न अनुमति दिएको थियो । त्यसका लागि कृषि विकास बैंकमा ९० लाख रुपैंया रोक्का समेत गरिएको थियो । यो अनुसन्धानमा सक्रिय एक अधिकृतका अनुसार तर, त्रिशक्तिले दुई वर्षभित्र अन्यत्र जग्गा किनेन । बरु २३ मंसिर २०५७ मा चौधरीको एकल नाममा पास ग¥र्यो । जग्गा जग्गा त्रिशक्ति सिमेन्ट हुँदै सीजी होल्डिङ्सको स्वामित्वमा पुग्यो । उक्त जग्गा पास भएकै दिन चौधरीले आफू, भाइ अरुण चौधरी र चाँदबाग स्कुलको नाममा पास गरेका थिए । चौधरीले किनेको जग्गामा अहिले सीजी होल्डिङ्सले हाउजिङ बनाइरहेको छ । काभ्रे पनौती नगरपालिका–९ स्थित खोपासीमा त्रिशक्ति सिमेन्टको नाममा रहेको जग्गा किनबेच पतञ्जलि प्रकरणको अर्काे रुप हो । मन्त्रिपरिषद्कै संलग्नतामा जग्गाको खरिद विक्री भएको छ तर पतञ्जलिले हाउजिङ कम्पनीलाई बेचेको थियो भने त्रिशक्तिले चौधरीलाई ।