करार सेवामा कार्यरत कर्मचारीलाई तहवृद्धि गर्न स्पष्ट ऐन वा कानुन कतै छैन तर स्थानीय तहहरुले धमाधम आफ्ना नातागोताहरुलाई करारमा भर्ती गरेर केही समयपछि अस्वभाविक रुपमा स्तरबृद्धि गर्न थालेका छन् ।
बिज्ञापन
मधेश प्रदेशस्थित पर्साको विन्दवासिनी गाउँपालिकामा सामाजिक परिचालक रमेन्द्रनाथ तिवारी तीन वर्ष पूरा नहुँदै पाँचौँ तहमा तहवृद्धि भएको घटना नसेलाउँदै वीरगन्ज महानगरपालिका समेत यस्तै वेथिती भेटिएको छ ।
बिज्ञापन
सो महानगरपालिकाले सूचना प्रविधि शाखामा कार्यरत करार सेवाका कर्मचारीलाई अधिकृत तहमा बढुवा गरेको भेटिएको हो ।
सो पालिकाले ६ बर्ष अघि करारमा कम्युटर अधिकृत पदमा नियुक्त भएका सुजितकुमार श्रीवास्तवलाई एकै पटक सातौं तह अर्थात अधिकृतस्तरमा बढुवा गरिदिएको पाइएको हो । वीरगन्ज– १६ स्थायी वासिन्दा सुजितकुमार श्रीवास्तवलाई महानगरपालिकाले पुस १ गतेदेखि लागू हुने गरी एकै पटक अधिकृत सातौं तहमा बढुवा गरेको हो ।
बिज्ञापन
यसलाई भने पालिकाको बुद्धि र ढंग नपुर्याइएको भन्दैछन्,कर्मचारीहरु चाहिँ । कार्यपालिकाको रिक्त रहेको पदमा विज्ञापन नै गरेर खुला प्रतिष्प्रर्धाबाट नियुक्ति गर्न सक्ने बाटो हुँदाहुँदै ढंग नपुर्याइ नियुक्ति गर्न खोजिए पछि चर्को आलोचना खेप्दैछन् सो महानगरपालिकाको प्रमुख प्रशासकीय अधिकृत अरबिन्दलाल कर्ण ।
कोही क्षमता छ भने कार्यलय सहयोगी हाकिम पनि बन्न सक्छ । सम्बन्धित विषयमा क्षमता भएमा उसलाई कसैलाई रोक्न सक्दैन तर सूचना सहित खुला प्रतियोगिताबाट छानिएर ल्याउनु पर्नेमा चोरबाटोबाट राजनीतिक आडमा विना कुनै प्रक्रिया र परीक्षा,विना प्रतिष्प्रर्धा सातौं तहमा उकालिएपछि अर्को आलोचनामात्र शुरु भएको छैन । यस्तै बदमासीले भोलि हाकिममाथि अख्तियार आकर्षित हुन सक्ने स्थिति बन्न पुगेको छ ।
