एक पछि अर्काे गायिका तथा अभिनेत्रीहरु बैवाहिक बन्धनमा बाधिन लागेका छन् ।
चर्चित लोक गायिका सुनिता दुलालले रुकुम पश्चिम स्थायी घर भई हाल काठमाडौंको बानेश्वर बस्दै आएका व्यवसायी राजेश केसीसँग एक रिर्सोटमा थोरै व्यक्तिको जमघटमा दुवै जनाविच विवाहगर्न लागेकी छिन् ।
यस्तै अभिनेत्री पूजा शर्मा यही मंसिर २० गते प्रेमी युद्ध बानियाँसँग लगनगाँठो कस्न लागेकी हुन् । दुई दर्जन चलचित्रमा अभिनय गरेकी पूजा र युद्ध विगत पाँच वर्षदेखि प्रेम सम्बन्धमा छन् । उनीहरुले संयुक्त रुपमा ललितपुरको झम्सिखेलमा ‘ट्याग’ नामक रेष्टुरेण्टसमेत सञ्चालन गर्दै आएका छन् । बिहेको लागि परिवारले भक्तपुरको नगरकोटस्थित फर्च्युन रिर्सोट समेत बुक गरिसकेको बुझिएको हो ।
बिज्ञापन
यता, अभिनेत्री साम्राज्ञी राज्यलक्ष्मी शाहले समेत मंसिर २ गते प्रेमी विशाल खरेलसँग इन्गेजमेन्ट गरेकी छन् । यद्यपि, उनको इन्गेजमेन्ट विवादमा परेको छ । उनले एक ‘डिभोर्सी’ पुरुषसँग इन्गेजमेन्ट गरेको खुलेको छ । साम्राज्ञीले हालैमात्र विशाल खरेलसँग इन्गेजमेन्ट गरेकी हुन । विशाल एक बच्चाका बाबु हुन् ।
