बिज्ञापन

बिज्ञापन

एमाले नेता महेश बस्नेत आउने सूचनापछि विमानस्थल क्षेत्रमा जेनजी युवाहरूको विरोधका कारण स्थिति तनावपूर्ण बनेपछि प्रशासनले कर्फ्यू जारी गरेको हो। जिल्ला प्रशासन कार्यालयले गण्डक नहरदेखि पथलैया सडक खण्ड राजमार्गको दायाँ बायाँ ५०० मिटरसम्म र सिमरा विमानस्थलको वरिपरि ५०० मिटरसम्म कर्फ्यु आदेश जारी गरिएको प्रजिअ मिश्रले बताए ।

प्रमुख जिल्ला अधिकारी मिश्रले स्थानीय प्रशासन ऐन, २०२८ को दफा ६(क) र (ख) बमोजिम कर्फ्यू लगाइएको जनाएका छन् । कर्फ्यू अवधिभर अत्यावश्यक सेवाहरू भने सञ्चालन रहनेछन्। एम्बुलेन्स, दमकल, शव वाहन, स्वास्थ्यकर्मीका सवारी, सञ्चारकर्मी, पर्यटक सवारी, मानव अधिकारकर्मी तथा कूटनीतिक नियोगका सवारी साधन र हवाई टिकट देखाएर विमानस्थल जानेरआउने यात्रुहरूलाई सुरक्षाकर्मीले सहजीकरण गर्ने जनाइएको छ।

एमाले नेताहरू सिमरा आउने जानकारी पाएपछि जे जी युवाहरूले प्रदर्शन गरेका हुन् । त्यसक्रममा एमाले समर्थक युवाहरूबीच झडप भएको हो । एमाले महासचिव शंकर पोखरेल र नेता महेश बस्नेत बाराको परवानीपुरमा हुने भनिएको कार्यक्रममा सहभागी हुन सिमरा विमानस्थल हुँदै जान लागेको सूचना पाएपछि जेन जी युवाहरूले प्रदर्शन गर्दा झडप भएपछि स्थितिलाइृ नियन्त्रणमा लिन जिल्ला प्रशासन कार्यालयले कर्फ्यू आदेश जारी गरेको हो।

एमाले स्थायी कमिटी सदस्य एवं युवा संघका इन्चार्ज महेश बस्नेतका अलवा अच्यूत मैनाली, किसान श्रेष्ठ र ज्वालाकुमारी साह सिमरा जान लागेका थिए । सोही क्रममा जेनजी युवाहरुले विमानस्थलमै घेराउ गरेका थिए ।