बिज्ञापन

बिज्ञापन

नेपालमा हाल देखिएको अस्थिरता तथा बढ्दो राजनीतिक र आर्थिक अनिश्चितताका कारण आर्थिक वृद्धिदर आगामी आर्थिक वर्ष २०८२/८३ मा घटेर २.१ प्रतिशतमा सीमित हुने अनुमान गरिएको छ, जसको सम्भावित दायरा ऋणात्मक १.५ देखि २.६ प्रतिशतसम्म रहने अपेक्षा गरिएको विश्व बैंकले भनेको छ । यस अघि विश्व बैंकले यसअघि सन् २०२६ मा नेपालको आर्थिक वृद्धि २ दशमलव ९ प्रतिशत हुने अनुमान गरेको थियो। तर नयाँ तथ्यांकअनुसार, प्रक्षेपण ० दशमलव ८ प्रतिशत विन्दुले घटेर २ दशमलव १ प्रतिशतमा झर्ने प्रक्षेपण रहेको छ ।

विश्व वैकले सन् २०२७ मा भने आर्थिक वृद्धि फेरि उक्लिएर ४ दशमलव ७ प्रतिशत हुने अपेक्षा गरिएको छ।विश्व बैंकको अनुमानअनुसार दक्षिण एशियाको आर्थिक वृद्धिदर यसवर्ष ६ दशमलव ६ प्रतिशत हुनेछ । सन् २०२६ मा भारतको आर्थिक वृद्धिदर ६ दशमलव ५ प्रतिशत, भुटानको ७ दशमलव ३ प्रतिशत, बंगलादेशको ४ दशमलव ८ प्रतिशत, श्रीलंकाको ३ दशमलव ५ प्रतिशत र माल्दिभ्सको ३ दशमलव ९ प्रतिशत हुने प्रक्षेपण गरिएको छ।