अर्थ मन्त्रालयले ठूलो संख्यामा कर्मचारी सरुवा गर्ने तयारी गरेको छ । मन्त्रालयले शाखा अधिकृतदेखि सहसचिव तहका कर्मचारीको सरुवा गर्न लागेको हो ।
बिज्ञापन
मन्त्रालयले सरुवा हुन चाहने कर्मचारीहरुसँग आवेदन समेत माग गरेको थियो । उक्त आवेदनको समय ७ साउनसम्म थियो । सरुवा हुन चाहेको कार्यालयको नाम समेत मागेर मन्त्रालयले कर्मचारीसँग आवेदन माग गरेको थियो । समय अवधि पुगेका कर्मचारीहरुलाई सरुवा हुन चाहेको कार्यालय उल्लेख गरेर निवेदन दिन भनेको थियो । यो अवधिमा सयौं आवेदन परेको कर्मचारी प्रशासन महाशाखाले जनाएको छ ।
बिज्ञापन
मन्त्रालयले प्राप्त आवेदनका आधारमा अर्थ मातहतका आन्तरिक राजस्व विभाग, भन्सार विभाग, तालिम केन्द्र, भन्सार जाँचपास परिक्षण कार्यालय, सार्वजनिक ऋण व्यवस्थापन कार्यालय, महालेखा नियन्त्रकको कार्यालमा साउन अन्तिम सातासम्ममा शाखा अधिकृतदेखि सहसचिव तहसम्मका कर्मचारीहरुको सरुवाको सूची निकाल्ने जनाइएको छ ।
बिज्ञापन
