अर्थमन्त्रालयभित्रै २५ जना सहसचिव छन् । तर एक यस्ता सहसचिव छन्,जसलाई अर्थमन्त्री विष्णु पौडेलले मन्त्रालयको महत्वपूर्ण महाशाखाका अलवा चार चार वटा संस्थाको जिम्मेवारी दिएका छन् । अर्थमन्त्री विष्णु पौडेलले जिम्मेवारीमाथि जिम्मेवारी दिएका उनका विश्वाशिला सहसचिव हुन महेश बराल । अर्थमन्त्रीले बराललाई यति धेरै जिम्मेवारी दिएका छन् कि उनलाई ती निकायको जिम्मेवारी लिन भ्याइनभ्याई छ ।
बिज्ञापन
मन्त्री विष्णु पौडेलको दिल जितेर विभिन्न संस्थाको नेतृत्व गर्ने अवसर पाएका उनै बराललाई फेरि अर्काे जिम्मेवारी थपिदिएका छन्,पौडेलले । मन्त्रालयले वरालको संयोजकत्वमा बजेट अनुशासन सुदृढ गर्न कानून निर्माणका लागि पाँच सदस्यीय कार्यदल बनाएको छ ।
बिज्ञापन
मन्त्रालयको वित्तीय संघीयता समन्वय महाशाखा प्रमुख बरालका अलवा मन्त्रालयका बजेट महाशाखाका उपचिव, अर्थ मन्त्रालय कानून तथा फैसला महाशाखाका उपसचिव र विषय विज्ञमा पूर्व सहसचिव निर्मलहरी अधिकारी सदस्य रहेका छन् । कार्यदलको सदस्य सचिवमा वित्तीय संघीयता महाशाखाका उपसचिव रहेका छन् ।
बजेटको बुँदा नं ३७१ मा संविधानले निर्दिष्ट गरे बमोजिम संघ, प्रदेश र स्थानीय तहमा बजेट अनुशासन सुदृढ गर्न कानुन निर्माण गर्ने र तीनै तहमा लागू हुने गरी सार्वजनिक खर्च मापदण्ड तर्जुमा गर्ने उल्लेख छ । बजेटमा रहेको व्यवस्थालाई कार्यान्वयन गर्न अर्थ मन्त्रालयले कार्यदल गठन गरेको हो ।
बिज्ञापन
अर्थ मन्त्रालयमा २५ सहसचिव छन् । तीमध्ये मन्त्री विष्णु पौडेलको रोजाईको सहसचिव बनेका बराल धितोपत्र वोर्डको समितिमा छन् । सन्तोष नारायण श्रेष्ठ अध्यक्ष बन्नु अघि उनी अध्यक्षको जिम्मेवारीमा थिए । श्रेष्ठ अध्यक्ष बनेपछि अर्थमन्त्रालयबाट प्रतिनिधित्व गर्ने गरी सञ्चालक समितिको सदस्य हुन,धितोपत्र वोर्डको । यस्का अलवा उनी नेपाल राष्ट्रिय वीमा प्राधिकरणको अध्यक्ष, नेपाल आयल निगमका समेत सञ्चालक समितिमा छन् । हालैमात्र नेपाल पुर्नवीमा प्राधिकरणको सञ्चालकका रुपमा मनोनयन गरेर पठाइएको छ । धितोपत्र वोर्डको सञ्चालक र नेपाल पुर्नवीमा कम्पनीको सञ्चालक एकै जनालाई बनाइँदा स्वार्थको द्धन्द हुने अर्थका जानकारहरु बताउँछन् ।
