अख्तियार दुरुपयोग अनुसन्धान आयोगले एक मेयरलाई एक लाख घुससहित रंगेहात पक्राउ गरेको छ ।
बिज्ञापन
अख्तियारले सिरहाको कल्याणपुर नगरपालिकाका मेयर रामपुकार साह एकलाख घुस रकमसहित रंगेहात पक्राउ परेका छन् । अख्तियार दुरुपयोग अनुसन्धान आयोगको कार्यालय बर्दिबासको टोलिले बुधबार उनलाई नगरपालिका कार्यालयबाटै एक लाख घुस रकमसहित बुधबार दिउँसो नियन्त्रणमा लिएको हो ।
बिज्ञापन
दिउँसो पौने २ बजेतिर कार्यालयमै पूर्ण भुक्तानीका लागि एक उपभोक्ता समितिबाट एक लाख रकम घुस लिइरहेको बेला रंगेहात नियन्त्रणमा लिएको हो । अन्तिम भुक्तानीका लागि एक उपभोक्ता समितिबाट एक लाख रकम घुस लिइरहेको अवस्थामा उनलाई रंगेहात आयोगको कार्यालय बर्दिबासको टोलिले पक्राउ गरेको हो । अहिले अख्तियारको टोलीले नगर कार्यपालिकाको कार्यालयमै राखेर नगरप्रमुख साहलाई सोधपुछ गरिरहेको छ ।
कानूनी प्रक्रिया (मुचुल्का) तयार पारेर थप अनुसन्धान तथा कारबाहीका लागि अख्तियारको कार्यालय बर्दिबास लगिने तयारी भइरहेको छ । उनी गत स्थानीय तह निर्वाचनमा एमालेबाट मेयर निर्वाचित भएका थिए।
बिज्ञापन
