रुपन्देहीको कालिका मानवज्ञान माध्यमिक विद्यालयले राष्ट्रकै सर्वोेत्कृष्ट सामूदायिक विद्यालय अवार्ड प्राप्त गरेको छ । केन्द्रविन्दु मिडियाले आयोजना गरेको तेस्रो संस्करणको ‘केन्द्रबिन्दु एजुकेसन एक्सिलेन्स अवार्ड २०८२’ शैक्षिक क्षेत्रमा अब्बल साबित भएका संस्थागत र सामुदायिक शैक्षिक संस्था तथा व्यक्तित्वहरुलाई प्रदान गरिएको छ ।
बिज्ञापन
राष्ट्रिय परीक्षा बोर्डले उत्कृष्ट ठहराएका सात वटा उत्कृष्ट र देशकै सर्वोत्कृष्ट एउटा सामुदायिक विद्यालयलाई सम्मान गरेको हो । सम्मानितमध्ये सामुदायिक विद्यालयतर्फ बुटवलको कालिका मानवज्ञान माध्यमिक विद्यालयलाई सर्वोत्कृष्ट विद्यालयको सम्मान प्रदान गरिएको छ ।
बिज्ञापन
विद्यालय व्यवस्थापन समितिका अध्यक्ष नित्यानन्द ज्ञवाली र प्रधानाध्यापक दिनेश थापा लाई संयुक्त रुपमा अवार्ड प्रदान गरिएको छ । त्यस्तै संस्थागत विद्यालयतर्फ ललितपुरको प्रसादी एकेडेमी, पकनाजोलको एनसीसीएस सेकेन्डरी स्कुल र कालोपुलस्थित जेभियर इन्टरनेशनल कलेज सम्मानित भएका छन् । त्यसैगरी उत्कृष्ट नतिजा ल्याउने १६ संस्थागत तथा आवासीय विद्यालयहरू पनि सम्मानित भएका छन् ।
