अख्तियार दुरुपयोग अनुसन्धान आयोगको टोलीले उपसचिव र नासुलाई नियन्त्रणमा लिएको छ । विभिन्न योजनाको स्वीकृति एवं कर्मचारी नियुक्तिलगायतका विषयमा अनियमितता गरेको आरोपमा अख्तियार दुरुपयोग अनुसन्धान आयोगको मुख्यालय टंगालबाट खटिएको टोलीले बहुदरमाई नगरपालिका, पर्साका तत्कालीन प्रमुख प्रशासकीय अधिकृत अजयकुमार श्रीवास्तव र नायब सुब्बा सन्दीप साहलाई नियन्त्रणमा लिइएको अख्तियारले जनाएको छ ।
बिज्ञापन
अख्तियारका अनुसार तत्कालीन प्रमुख प्रशासकीय अधिकृत श्रीवास्तवलाई वीरगन्ज महानगरपालिका १२ प्रतिमा चोकबाट र वडा ३ को प्रगतिनगरबाट साहलाई नियन्त्रणमा लिएको हो।
अख्तियारले वर्तमान प्रमुख प्रशासकीय अधिकृत राम विनय कुमार सिंह र नगरपालिका २ का सचिव ओमप्रकाश चौरसियाको २ वटा मोबाइल पनि बरामद गरिएको अख्तियारले जनाएको छ।
बिज्ञापन
उनीहरुको मोबाइल समेत नियन्त्रणमा लिई थप अनुसन्धान भइरहेको आयोगले जनाएको छ ।
