सत्ता र शक्तिमा रहेकाहरुले आफ्नो जिल्लामा धेरै बजेट र योजना पार्ने कुरा नौलो होइन । यस पटक त संख्याका हिसाबले काँग्रेस र एमालेको दुई ठूला दलको सरकार छ । सो सरकारकाले ल्याएको बजेटको ठूलो अंश पार्टीका शीर्षस्थ नेता,मन्त्रीहरुकै जिल्लामा खन्याएको भेटिएको छ । जसमध्ये सबैभन्दा धेरै बजेट उपप्रधानमन्त्री प्रकाशनमान सिंह र अर्को उपप्रधान तथा अर्थ मन्त्री विष्णु पौडेल र काँग्रेसका मन्त्री प्रदीप पौडेलको गृह जिल्लामा ९ अर्ब बढीका दरले रकम विनियोजन हुँदा प्रधानमन्त्री केपी शर्मा ओलीको गृह जिल्ला झापामा ८ अर्व बढी रकम विनियोजन भएको छ । यस्तै पर्यटन राज्यमन्त्री अरुणकुमार चौधरीको गृह जिल्लामा समेत अन्य मन्त्रीहरुको भन्दा बढी बजेट विनियोजन गरिएको छ । यस्तै सबैभन्दा कम राज्यमन्त्री खमबहादुर गर्बुजाको गृहजिल्ला म्याग्दीमा विनियोजन गरिएको छ । यस्तै राज्यमन्त्रीकै तहमा बजेट पठाइएको छ,रक्षामन्त्रीको गृह जिल्ला सोलुखुम्बुमा ।
बिज्ञापन
विवरण अनुसार, उपप्रधान एवं शहरी विकास मन्त्री प्रकाशनमान सिंहको गृहजिल्ला र स्वास्थ्यमन्त्री प्रदिप पौडलको निर्वाचन क्षेत्र काठमाडौंमा ९ अर्ब १९ करोड ६९ लाख रुपैयाँ बजेट विनियोजन भएको छ । यस्तै अर्थमन्त्री पौडेलको गृहजिल्ला रुपन्देहीलाई ९ अर्ब ८० करोड १७ लाख रुपैयाँ बजेट विनियोजन गरेको भेटिएको छ ।
केपी शर्मा ओलीको गृहजिल्ला झापामा ८ अर्ब बजेट छुट्टाइएको छ । हालै मात्र सरकारले प्रदेश र स्थानीय तहलाई नयाँ बजेटमा ४ खर्ब १७ अर्ब ८२ करोड रुपैयाँ अनुदान हस्तान्तरण गरिँदा प्रदेश सरकारले कुल ९७ अर्ब ५६ करोड ४ लाख रुपैयाँ अनुदान पठाइएको थियो । यस्तै, ७५३ स्थानीय तहले भने ३ खर्ब २० अर्ब २६ करोड ४६ लाख रुपैयाँ अनुदान पठाइएको थियो । अर्थ मन्त्रालयले यस्तो रकममा महागनरपालिकालाई ११ अर्ब ७४ करोड, उपमहानरपालिकालाई ११ अर्ब ३८ करोड, नगरपालिकालाई १ खर्ब ४३ अर्ब १० करोड र गाउँपालिकालाई १ खर्ब ५४ अर्ब रुपैयाँ बजेट विनियोजन गरेको थियो सोही विवरण खेलाउँदा प्रधानमन्त्री ओलीको गृहजिल्ला झापामा ८ वटा नगरपालिका र ७ वटा गाउँपालिकामा ८ अर्ब बढी रकम विनियोजन गरिएको हो । विनियोजित बजेटमध्ये मेची नगरपालिकाले सबैभन्दा बढी १ अर्ब १० करोड ७१ लाख रुपैयाँ बजेट पठाएको भेटिएको हो ।
बिज्ञापन
यस्तै, परराष्ट्र मन्त्री डा आरजु राणा देउवाको निर्वाचन क्षेत्र रहेको जिल्ला कैलालीले ७ अर्ब ११ करोड १८ लाख बजेट छुट्टाइएको छ भने पर्यटन राज्यमन्त्री अरुणकुमार चौधरीको गृहजिल्ला कैलालीमा ७ अर्ब ११ करोड १८ लाख बजेट विनियोजन भएको छ । दलीय भागबण्डामा आधारमा छुट्टाइएको बजेटमा युवा तथा खेलकुद मन्त्री तेजुलाल चौधरी एवं महिला, बालबालिका तथा ज्येष्ठ नागरिक मन्त्री नवलकिशोर साह सुडीको गृह जिल्ला सप्तरीमा ६ अर्ब ८३ करोड ७१ लाख छुट्टाइएको छ । यस्तै श्रम तथा सामाजिक सुरक्षामन्त्री शरदसिहं भण्डारीको गृहजिल्ला महोत्तरीमा ५ अर्ब ६९ करोड ३७ लाख बजेट पाएको छ ।
यता,संचार तथा सूचना प्रविधि मन्त्री पृथ्वी सुब्बा गुरुङको गृहजिल्ला लमजुङलाई ३ खर्ब १७ करोड ७६ लाख रुपैयाँ बजेट विनियोजन भएको भेटिएको छ । गृहमन्त्री रमेश लेखकको गृहजिल्ला कञ्चनपुरले ३ अर्ब ९७ करोड ९५ लाख बजेट छुट्टाइँदा शिक्षा तथा विज्ञान प्रविधि मन्त्री रघुजी पन्तको गृहजिल्ला ललितपुरमा ३ अर्ब २८ करोड ७५ लाख बजेट गएको छ । खानेपानी मन्त्री प्रदीप यादव एवं कानुन, न्याय तथा संसदीय मामिला मन्त्री अजयकुमार चौरासिया र संघीय मामिला तथा सामान्य प्रशासन मन्त्री राजकुमार गुप्ताको गृहजिल्ला पर्सामा समान अंक अर्थात ५ अर्ब १७ करोड ३७ लाख गएको छ । यस्तै भूमि व्यवस्था, सहकारी तथा गरिबी निवारण मन्त्री बलराम अधिकारीको गृहजिल्ला कपिलवस्तुमा ५ अर्ब ३० करोड ४५ लाख,ऊर्जा, जलश्रोत तथा सिँचाइ मन्त्री दीपक खड्काको गृहजिल्ला संखुवासभामा ३ अर्ब ४४ करोड ८६ लाख,उद्योग, वाणिज्य तथा आपूर्ती मन्त्री दामोदर भण्डारीको गृहजिल्ला बैतडीमा ३ अर्ब ८६ करोड ६१ लाख बजेट विनियोजन हुँदा संस्कृति, पर्यटन तथा नागरिक उड्डयन मन्त्री बद्री पाण्डेको बैतडी ३ अर्ब ८६ करोड ६१ लाख विनियोजन भएको भेटिन्छ । यस्तै,कृषि तथा पशुपन्छी मन्त्री रामनाथ अधिकारीको धादिङमा ५ अर्ब ४३ लाख बजेट परेको छ ।
बिज्ञापन
उता रक्षा मन्त्री मानवीर राईको सोलुखुम्बुमा २ अर्ब ६८ करोड २४ लाख छुट्टाइएको छ । यस्का अलवा वन तथा वातावरणमन्त्री ऐनबहादुर शाही ठकुरीको गृहजिल्ला मुगुमा ५ अर्ब ५७ करोड १५ लाख,वन तथा वातावरण राज्यमन्त्री रुपा विकको गृहजिल्ला कपिलवस्तुलाई ५ अर्ब ३० करोड ४५ लाख र उर्जा राज्यमन्त्री खमबहादुर गर्बुजाको गृहजिल्ला म्याग्दीमा २ अर्ब १३ करोड ४० लाख विनियोजन भएको भेटिएको छ ।
