बिज्ञापन

बिज्ञापन

आईपीओ निष्कासन पाइपलाइनमा रहेका ८९ कम्पनी छन् तीमध्ये ४३ जलविद्युत् कम्पनीको आईपीओ स्वीकृति क्रममा रहेका छन् । एक जलविद्युत कम्पनीको हालैमात्र आइपीओ जारी भइसकेको छ बाँकी ४२ कम्पनीसँग बोर्ड अध्यक्ष सन्तोषनारायण श्रेष्ठले पठाएका भनिएका व्यक्तिहरूले रकम माग गरेको प्रमाणसहित अख्तियारमा उजुरी परेको थियो । आईपीओ स्वीकृतिका लागि कमिसन मागिएको विषय संसद,मिडिया हुँदै अख्तियारसम्म उजुरी परेपछि अख्तियारले त्यहाँ छापा मारेर आईपीओ निष्कासन सम्बन्धी फाइलहरू नियन्त्रणमा लिएको छ ।

अख्तियारको उपसचिवको नेतृत्वको ३ सदस्यीय टोली दिउँसो खुमलटारस्थित वोर्डको कार्यालयमा पुगेको थियो ।बिहान ११ बजे पुगेको टोली साँझ ४ बजेमात्र फाइलहरु नियन्त्रणमा लिएर फर्किएको थियो । अख्तियारबाट गएको टोलीले वोर्ड अध्यक्ष सन्तोष नारायण श्रेष्ठ, बोर्डका नियमन विभागका प्रमुख रहेका कार्यकारी निर्देशक मुक्तिनाथ श्रेष्ठ लगायतका जिम्मेवार कर्मचारीसँग विभिन्न बिषयमा प्रश्नहरु गरेको थियो । बोर्डबाट आइपिओ निष्कासन प्रक्रियाको टिपोट र पाइपलाइनमा रहेका कम्पनीको सूची लगेको छ । त्यसैगरी सिलबन्दी गरेर अनुसन्धानका लागि आवश्यक कागजात पनि अख्तियारले नियन्त्रणमा लिएको छ । केही उच्च अधिकारीसँग प्रारम्भिक बयानसमेत लिँदा अख्तियारले कुल चार घण्टा बोर्डमा बिताएको थियो ।

सो पछि पाइप लाइनमा रहेका ८९ कम्पनीको महत्वपूर्ण कागजातहरु नियन्त्रणमा लिएर टोली हिडेको थियो । यता दिँउसो अख्तियारले फाइल नियन्त्रणमा लिए पछि साँझ धितोपत्र वोर्ड अध्यक्ष सन्तोषनारायण श्रेष्ठ र इप्पानका पदाधिकारीहरुबीच गोप्य बैठक बसेको थाहा भएको छ ।

दिउँसो अख्तियारले महत्वपूर्ण फाइलहरु नियन्त्रणमा लिए पछि साँझ पाँच देखि सात बजेसम्म इप्पानका पदाधिकारीहरुबीच गोप्य छलफल भएको छ ।