कर्मचारी र व्यवसायीमाथि हातपात गर्ने जनप्रतिनिधिलाई प्रहरीले पक्राउ गरेको छ । पोखरा महानगरपालिका वडा नम्बर ४ का वडाध्यक्ष देवकृष्ण पराजुलीलाई प्रहरीले पक्राउ गरेको हो ।
बिज्ञापन
पराजुलीले प्रमुख प्रशासकीय अधिकृतको कार्यकक्षमा अधिकृत सातौं तहका कर्मचारी ईश्वरीप्रसाद पोखरेलमाथि हातपात गरेका थिए । वडा नम्बर ४ कै व्यवसायीले लेखनाथ सुवेदीलाई हातपात गरेसँगै उनले दिएको किटानी जाहेरीको आधारमा वडाध्यक्ष पराजुलीलाई प्रहरीले पक्राउ गरेको हो ।
बिज्ञापन
पोखराको ढिकीडाँडाबाट पक्राउ गरिएका पराजुलीविरुद्ध सार्वजनिक हित, स्वास्थ्य, सुविधा तथा नैतिकताविरुद्धको कसुरमा अनुसन्धान अगाडि बढाइने प्रहरीको भनाइ छ ।
उता हिजोमात्र वडाध्यक्ष पराजुलीले महानगरका कर्मचारीमथि पनि हातपात गरेको कर्मचारीहरुको आरोप छ। कर्मचारीमाथि भएको हातपात भएको भन्दै स्थानीय तह कर्मचारी युनियन, स्थानीय तह कर्मचारी संघ र नेपाल राष्ट्रिय कर्मचारी संगठनले संयुक्त विज्ञप्तिमार्फत् आपत्ति जनाएर सेवा ठप्प पारेका छन्।
बिज्ञापन
पोखरा ४ का वडाध्यक्ष पराजुली नेपाली कांग्रेसको तर्फबाट विजयी बनेका हुन्।
