अख्तियार दुरुपयोग अनुसन्धान आयोगले शाखा अधिकृत,इञ्जिनियर,लेखापालदेखि उपभोक्ता समितिका अध्यक्ष तथा पदाधिकारीहरुलाई भ्रष्टाचार मुद्धा चलाएको छ ।
अख्तियारले कृषि सडक बनाउँदा मिलेमतोमा आठ लाख भ्रष्टाचार गरेको अभियोगमा अप्रशासकीय अधिकृतदेखि उपभोक्ता समितिका अध्यक्ष हुँदै वडाध्यक्षसहित नौजनाविरुद्ध विशेष अदालतमा मुद्दा दायर गरेको हो ।

बिज्ञापन

अख्तियारले कृषि बाटो निर्माण योजनामा मिलेमतो गरी तोकिएको सर्त–सम्झौताविपरीत फिल्डमा भएको वास्तविक कार्यभन्दा बढी काम भएको प्रतिवेदन बनाउँदै भ्रष्टाचार गरेका ठहर गर्दै सर्लाहीको धनकौल गाउँपालिकामा गाउँपालिकाका प्रशासकीय अधिकृत कृष्णमोहनप्रसाद साह, इन्जिनियर उपेन्द्रप्रसाद साह, सहायक पाँचौँ मोहम्मद रफिक र सबइन्जिनियर शशिरन्जनकुमार सिंह, लेखापाल अभयकुमार साह, उपभोक्ता समितिका अध्यक्ष वोपेन्द्र राय, सचिव इनरजित साह कानू र कोषाध्यक्ष सुरतीया कुमारी, वडा नम्बर–६ का वडाध्यक्ष श्यामबाबु साह गरी ९ जनालाई प्रतिवादी बनाएर विशेषमा मुद्धा दायर गरेको छ ।