बिज्ञापन

बिज्ञापन

आफ्ना सवारी चालक उमेश महर्जनमार्फत ऋणीहरुबाट कर्जामा कमिसन लिइएको भेटिएपछि उनी अख्तियारको राडारमा परेका थिए । ०८० असोज १० गते तत्कालीन अर्थमन्त्री प्रकाशशरण महतले सरकारी स्वामित्वको बैंकको अध्यक्ष नियुक्त पाएका त्रिभुवन विश्वविद्यालयका अवकाश प्राप्त सहप्राध्यापक अधिकारीका सवारी चालकको खातामा एकैपटक २५ देखि ३० लाख रुपैयाँसम्मको कारोबार गरेको भेटिएसँगै उनी अनुसन्धानमा तानिएका थिए ।

अध्यक्ष अधिकारीले ठूला कर्जा प्रवाह गर्दा समयमा निर्णय नगर्ने, फाइल अनावश्यक अड्काइदिने, कमिसनका लागि बार्गेनिङ गर्ने गरिरहेको भन्दै अख्तियारमा उजुरी परेका थिए।सोही उजुरी पछि उनी अख्तियारको छानबिनको दायरामा छन् ।

अख्तियारले जारी गरेको सात दिने सूचनामा दुई जना भारतीयलाई आयोगमा उपस्थित गराउनुपर्ने दायित्व पनि उनैको रहेको सूचनामा उल्लेख छ । सूचनामा भारत उत्तर प्रदेशका खुशनसिब अन्सारी र वज्जाद अन्सारीलाई उपस्थित गराउन भनिएको छ । ती दुबै अन्सारीको आधार कार्ड नम्बर र भारतको पूर्ण ठेगाना पनि सूचनामा खुलाइएको छ ।

यसैबीच नेपाल राष्ट्र बैकले भने अधिकारीलाई कारवाही गरेको छ । बैंक तथा वित्तीय संस्था ऐन २०७३ बमोजिम उनलाई ५ लाख जरिवाना र सञ्चालक पदबाटसमेत बर्खास्त हुने गरी नेपाल राष्ट्र बैंकले नेपाल बैंकमा पत्र पठाएको छ । ऋृण प्रवाह गर्दा घुस खाने गरेको बिषय बाहिरिएपछि नेपाल बैंकको सञ्चालक समितिले उनलाई अध्यक्ष पदबाट हटाएको थियो। अध्यक्षबाट हटे पनि उनी बैंकको स्वतन्त्र सञ्‍चालकको रुपमा कार्यरत छन् । अख्तियारको राडारमा अधिकारी तानिए पछि अर्थ मन्त्रालयले त्यहाँ अध्यक्षका रुपमा सहसचिव थान प्रसाद पंज्ञानीलाई खटाएको छ ।