रैथाने संष्कृति जगेर्नाका लागि भन्दै एउटा पालिकाले सातामा दुई दिन अनिवार्य जातीय पोशाक लगाउनु पर्ने निर्णय गरेको छ ।
रैथाने संष्कृति बचाउन भन्दै उदयपुरको लिम्चुङबुङ गाउँपालिकाले पालिकाका जनप्रतिनिधिदेखि कर्मचारीले अब हप्तामा अनिवार्य दुई दिन कार्यालय समयमा जातीय भेषभूषा लगाउनुपर्ने व्यवस्था गरेको हो ।
बिज्ञापन
चैत १ गते बसेको गाउँपालिका बैठकले उक्त निर्णय गरेको निर्णय नयाँ बर्षदेखि लागू गरिएको र आगामी सातादेखि कार्यान्वयनमा आउने पालिकाले जनाएको छ ।
बिज्ञापन
पालिकाका प्रमुख प्रशासकीय अधिकृत ताराकिरण राईले एक सूचना जारी गर्दै अबदेखि अनिवार्य आइतबार र सोमबार जातीय भेषभूषा मा कार्यालय समयमा कर्मचारीहरू उपस्थित हुनुपर्ने सूचना जारी गरेका छन् ।
पालिकाभित्र बसोबास गर्ने जातजातिहरूको संस्कृति सँस्कारको संरक्षण गर्न र पालिकालाई पर्यटन प्रवर्द्धन गर्न यस्तो निर्णय गरिएको जनाइएको छ ।
