सहकारी ठगी प्रकरणमा प्रहरी हिरासतमा रहेका रवि लामिछानेमाथि थप दुई मुद्धा चलाउन प्रहरीले सिफारिस गरेको छ ।
बिज्ञापन
जिल्ला प्रहरी कार्यालय, कास्कीले पूर्वगृहमन्त्री एवं राष्ट्रिय स्वतन्त्र पार्टीका सभापति रवि लामिछानेविरुद्ध प्रहरीले विभिन्न तीनवटा कसुरमा मुद्दा चलाउन सिफारिस गरेको छ।
प्रहरीले तयार पारेको झण्डै ५ सय पृष्ट लामो प्रतिवेदनमा लामिछानेविरुद्ध सहकारी ठगी, संगठित अपराध एवं सम्पत्ति शुद्धीकरण मुद्धा चलाउन सिफारिस गर्दै अनुसन्धान प्रतिवेदन जिल्ला सरकारी वकिलको कार्यालयमा बुझाएको छ । सहकारी ठगी प्रकरणमा गत कात्तिक २ गते काठमाडौँबाट पक्राउ परेका लामिछानेलाई सम्पत्ति शुद्धीकरणमा मुद्धा चलाउन प्रहरीले सिफारिस गरेको हो । प्रतिवेदनमा रविले २१ करोडभन्दा बढीको शंकास्पद एवं गैरकानुनी कारोबार गरेको भन्दै मुद्दा चलाउन सिफारिस गरेको हो ।
बिज्ञापन
प्रहरीले रवि लामिछानेसहित ५१ जनालाई प्रतिवादी बनाउन राय दिएको छ । अहिले पक्राउ परेका ५ जना यसअघि पक्राउ परेका ९ जना र अन्यलाई फरार प्रतिवादी बनाउन राय दिइएको उक्त प्रतिवेदनमा लामिछानेलाई सहकारी ठगी, सङ्गठित अपराध र सम्पत्ति शुद्धीकरण सम्बन्धी कसुरमा अभियोजन गर्न राय दिएको छ ।
लामिछाने गत २ कार्तिक देखि कास्की प्रहरीको हिरासतमा छन् ।
