८ महिना अगाडि स्थायी नियुक्ति लिएर काम गर्दै आएका १२९ कर्मचारीको नियुक्ति खारेजीमा परेको छ । प्रचलित ऐन कानुन विपरित मनलाग्दी ढङ्गबाट स्थायी नियुक्ति गरिएका ती कर्मचारीहरुको नियुक्ति खारेज गर्न लोकसेवा आयोगले पोखरा महानगरपालिकालाई पत्र काटेको हो ।
बिज्ञापन
पोखरा महानगरपालिकाले ०८० फागुनमा लामो समयदेखि करार सेवामा कार्यरत १ सय २९ जना कर्मचारीलाई स्थायी नियुक्ति दिएको थियो । महानगरले स्थायी पदपूर्तिका लागि २०८० कात्तिक २३ गते सूचना प्रकाशन गरेर दुई चरणमा ती कर्मचारीलाई स्थायी गरिएको थियो । पोखरा महानगरपालिकाले एक पटकका १९ जना र अर्को पटक ११० जना गरेर स्थायी रूपमा नियुक्त गरेको थियो ।
बिज्ञापन
स्थानीय स्वायत्त शासन नियमावली २०५६ लाई टेकेर नियुक्ति दिएपछि सोही समयदेखि नै उक्त नियुक्ति विवादमा परेको थियो । आन्तरिक परीक्षा भनिए पनि मौखिक परीक्षा लिएर उनीहरुलाई स्थानीय स्वायत्त शासन नियमावली २०५६ लाई टेकेर नियुक्ति दिएको थियो । यसरी गरिएको नियुक्ति कानुनसंवत नभएको भन्दै प्रदेश लोकसेवा आयोगले तत्कालीन समयमा गरिएका सबै नियुक्ति खारेज गरिदिएको छ । आयोगको १३ गतेको बैठकबाट उक्त नियुक्ति खारेजीको निर्णय भएको हो ।
आयोगको आदेश सँगै स्थायी नियुक्त भएका १२९ जना को नियुक्ति विवादमा परेको छ र उक्त नियुक्ति वदर भएको बताइएको छ ।
