सुदूरपश्चिम निजामती सेवा ऐन ०७९ लाई संशोधन गर्न बनेको विधेयक पारित भएको छ । मंगलबारको सुदूरपश्चिम प्रदेशसभाबाट बहुमतले ‘सुदूरपश्चिम निजामती सेवा ऐन ०७९’ लाई संशोधन गर्न बनेको विधेयक पारित गरेको हो ।
बिज्ञापन
विपक्षी दल नेकपा माओवादी केन्द्र र सत्ता घटक नागरिक उन्मुक्तिका सांसदले उक्त विधेयक समावेशिताको सिद्धान्त विपरीत आएको भन्दै विरोध गरेका भए पनि उनीहरुको विरोधका बाबजुत उक्त विद्येयक पारित भएको छ ।माओवादी केन्द्रका सांसद शिवसिंह ओली र नागरिक उन्मुक्तिका संसदीय दल नेता घनश्याम चौधरीले विधेयक राना थारु समुदायको मर्म र भावना विपरीत आएको भन्दै आपत्ति जनाएका थिए ।उनीहरुका आपत्ति र विरोधका बाबजुत पनि निजामती ऐन बहुमतले पारित भएको हो ।
बिज्ञापन
विद्येयक पारित हुनु पूर्व सन्ध्यामा राना थारुहरु यसको विरोध गर्दै आएका थिए । उक्त विद्येयकका कतिपय प्रावधानका विपक्षमा सुदूरपश्चिम प्रदेशका राना, थारु समुदायले आपत्ति जनाउँदै आएका थिए । सो प्रदेशका थारु कल्याणकारी समाज, थरुहट थारुवान् राष्ट्रिय मोर्चा, नेपाल राना थारु समाज र थारु नागरिक समाजले थारु समुदायलाई संविधानले व्यवस्था गरेको अधिकारको कार्यान्वयनमा सुदूरपश्चिम प्रदेश सरकार असफल भएको उनीहरुको आरोप लगाउँदै सो विद्येयकका विरोधमा आवाज उठाउँदै आएका छन् । समुदायको जनसङ्ख्याको आधारमा संविधानले १८प्रतिशत प्रतिनिधित्वको व्यवस्था गरेकोमा प्रदेश सरकारले उपेक्षा गरेको उनीहरुको आरोप छ । साथै, महिलाहरूको लागि आरक्षित ३३ प्रतिशत प्रतिनिधित्वमा पनि १८प्रतिशत थारु/राना थारु महिलालाई समावेश नगरेकोमा उनीहरुले विरोध जनाउँदै आएका थिए ।
यद्यपि थारु राना समुदायको विरोधका बीच मंगलबारको प्रदेश सभा बैठकले उक्त विद्येयक पारित गरेको हो ।
आजको प्रदेश सभा बैठकमा आन्तरिक मामिला तथा कानूनमन्त्री हीरा सार्कीले आजको प्रदेशसभा बैठकमा उक्त विधेयक प्रस्तुत गरेका थिए ।उक्त ऐन बहुमतले पारित गरेको हो ।
बिज्ञापन
