बिज्ञापन

बिज्ञापन

सरकारले निकै संवेदनशील र महत्त्वपूर्ण मानिएको सम्पत्ति शुद्धीकरण अनुसन्धान विभागको महानिर्देशकको जिम्मेवारी वरिष्ठ सहसचिव कमल प्रसाद भट्टराईलाई दिएर जेठ दोश्रो साता त्यता खटाएको थियो । त्यहाँ पुगेको दुई साताकै अन्तरालमा विभागले चन्द्रदीप राईविरुद्ध ८ करोड ४७ लाखभन्दा बढीको बिगो माग गर्दै सम्पत्ति शुद्धीकरण मुद्दा दर्ता गराएको छ । विभागले बुधवार राईविरुद्ध ८ करोड ४७ लाख ६२ हजार ८८३ रुपैयाँ ९० पैसा बिगो मागसहित जिल्ला अदालत काठमाडौंमा मुद्दा दायर गरेको हो ।

काठमाडौंको गोकर्णेश्वर नगरपालिका वडा नं ८ अत्तरखेल निवासी राईले विभिन्न कसुर गरी आर्जन गरेको सम्पत्ति शुद्धीकरण गरेको भन्ने उजुरीका आधारमा उनीमाथि मुद्दा दायर गरिसकेको छ ।उनी त्यता पुगेको महिना दिनपछि चलाइएको सम्पत्ति शुद्धीकरणको यो दोश्रो मुद्धा हो ।