गण्डकी प्रदेश सरकारले ल्याएको बजेटबाटै ५० करोडको हिसाब गोलमाल भएसँगै तनाव निस्किएको छ । गत असार १ गते गण्डकी प्रदेश सरकारले आगामी आर्थिक बर्षका लागि झण्डै ३३ अर्बको ४२ करोडको बजेट सार्वजनिक गरेको थियो ।
बिज्ञापन
गण्डकी प्रदेशका अर्थमन्त्री जितप्रकाश आले मगरले ३३ अर्ब ४२ करोड ७२ लाख रुपैयाँको बजेट सार्वजनिक गरेका थिए । चालु खर्च १२ अर्ब १३ करोड ६७ लाख ३८ हजार अर्थात् ३८ दशमलव ०१ र पुँजीगततर्फ २० अर्ब १९ करोड पाँच लाख ६२ हजार अर्थात् ६० दशमलव ०४ प्रतिशत बजेट विनियोजन भएकोमा समानीकरण अनुदानमार्फत सात अर्ब ६२ करोड २५ लाख, राजस्व बाँडफाँट ९ अर्ब पाँच करोड २५ लाख, रोयल्टी बाँडफाँट ४० करोड आठ लाख, सशर्त चार अर्ब ९४ करोड १५ लाख, समपुरक अनुदान ८४ करोड र विशेष अनुदान ७० करोड प्राप्त हुने बताइएको थियो ।
बिज्ञापन
बजेटको पूरा आकार र खर्च व्यहोर्ने स्रोतको हिसाब किताबमा ४९ करोड ९ लाख ७५ हजार नमिलेसँगै प्रतिपक्षीले संसद बैठक अवरुद्ध गरेको हो ।
सरकारले ल्याएको बजेटको हिसाब किताब नमिलेपछि त्यहाँको संसद बैठक नै अवरुद्ध भइरहेको छ । गण्डकी प्रदेश सरकारले ल्याएको बजेटको हिसाब नमिलेपछि प्रतिपक्षी दलले संसद् बैठक अवरुद्ध गरेको जनाएको छ । प्रतिपक्षीले हिसाब नमिल्दासम्म संसद् अघि बढ्न नसक्ने बताए ।
बिज्ञापन
