अर्थ मन्त्रालयले संघीय संसद् सचिवालयका कर्मचारीहरूको मात्र तलब बढाउन सम्भव नरहेको जवाफ फर्काएको छ । कुनै पनि सरकारी कर्मचारीको तलब भत्ता नबढेका बेला संसद्का कर्मचारीको मात्रै तलब बढाउने विषय तत्काल सम्भव नभएको जबाफ अर्थका कर्मचारीहरुले सांसदका पदाधिकारीहरुलाई फर्काएका छन् ।
बिज्ञापन
सांसद सेवाका कर्मचारीहरु प्रोत्साहन भत्ताको माग राखेर अस्तिदेखि आन्दोलित छन् । ११ बुँदे माग राखेर आन्दोलनमा होमिएका सांसद सेवाका कर्मचारीहरुलाई प्रोत्साहन भत्ता उपलव्ध गराउन नसकिने जबाफ अर्थ मन्त्रालयका कर्मचारीहरुले संसदका पदाधिकारीहरुलाई दिएका हुन ।
बिज्ञापन
संसद सेवाका कर्मचारीहरुको आन्दोलन पछि कर्मचारीहरूको मागका सम्बन्धमा सोमबार सभामुख देवराज घिमिरे र राष्ट्रिय सभाका अध्यक्ष नारायण दाहालले दुवै सभाका पदाधिकारी, दुवै सभाका प्रमुख सचेतक, मुख्य सचेतक, संघीय संसद्का महासचिव र सचिवालय सचिवसँग छलफल गरेका थिए ।
सभामुख घिमिरेले यस सम्बन्धमा भोलि अर्थमन्त्रीसँग छलफल गर्ने बताइरहँदा अर्थ मन्त्रालयका कर्मचारीहरुले संसद सेवाका कर्मचारीलाई मात्र प्रोत्साहन भत्ता उपलव्ध गराउन नसकिने जबाफ फर्काएका हुन ।
