अञ्जनकुमार
बिज्ञापन
गायिका ज्योति मगरमाथि लाग्दै आएको आरोप हो,उनको खासियत भनेकै मोटा सेता तिघ्रा र भित्री वस्त्र मात्र हो । यस्तै टिप्पणी सुनिँदै आएको थियो उनी लक्षित । महोत्सवको चौथो दिन उनै मगर लमजुङ आइपुगिन र उक्त कथनीलाई व्यवहारमै उतारिन । गायकीपन भन्दा पनि मोटो शरीरलाई निकै हल्का तवरले उफारेर दर्शकलाई उत्तेजित पार्न खप्पिस मगरले आठौं लमजुङ महोत्सवमा न कुनै मन छुने गीत गाईन, न कुनै सन्देश मुलक गीत, न संस्कार र सस्कृति संरक्षण हुने खालका नै । लगभग डेढ घण्टामा मञ्चमा उफ्रिइन, भित्री वस्त्र देखाइन, अपाच्य शब्दको वर्षाले ठिटाठिटीलाई निथ्रुक्कै पारिदिइन ।
बिज्ञापन
चर्चासंगै उत्तिकै विवादास्पद गायिका ज्योति मगरले प्रस्तुतिको शुरुमै आयोजकतिर हेर्दै भनिन, स्टेज त भाचिन्न नि, उता जस्तो पस्ने त हैन नि ? उनको प्रश्न पछि कार्यक्रमको अध्यक्षता गरिरहेका उद्योग वाणिज्य सघका अध्यक्षले जबाफ फर्काए भाचिन्न भाचिन्न जति उफ्रे पनि । ज्योति आफ्नो प्रस्तुति दिन जब स्टेज अगाडि देखा परिन शुरुमै आफूले छोटो लुगा किन लगाएको भन्ने बारे प्रवचन दिईन । ‘सेतो, चिल्लो, मुलायम छाला, मोटा तिघ्रालाई नदेखाएर लुकाएर के राख्नु त । केटाहरूको जस्तो गठर्किएको भुत्लै भुत्ला भएको होर छोपेर हिड्नलाई ? देखाउने भनेकै हामी केटीहरुले हो ।’
‘कुरा काट्नेहरुको सोच नै बलात्कारी छ, मन कालो छ कुरा त काटिहाल्छन नि हैन ? हैन त अध्यक्ष ज्यु ?’ मञ्चमा आसिन उद्योग वाणिज्य सघको अध्यक्ष र दोर्दी गाउँपालिकाका अध्यक्षतर्फ हेर्दै ज्योतिले प्रश्न गरेकी थिइन । आफ्नो ‘अगाडिको भन्दा पछाडिको अझ… देखिएकोले र्याल त काड्नु भएको छैन नि है’ भन्दै ? खोली भित्र पानी चोली भित्री जवानी गीतमा कपाल फिजारेर उफ्रिन थालिन । खोली भित्र पानी चोली भित्र जवानी गीतमा ठिटाहरु कपडा फुकालेर मच्चिदै मन्चतिर लम्किन खोजे पनि कडा सुरक्षा व्यवस्थाका कारण अप्रिय घटना त केही हुन पाएन ।
बिज्ञापन
उनले चानचुने त कहाँ हो र जिम्मुवाल बाउ कि छोरी, म त नाच्ने हो छोटो सारीमा जस्ता गीत गाएर दर्शकलाई भरपुर मनोरञ्जन प्रदान गरेकी थिइन भने बीच बीचमा ज्योतिले छोटो कपडा लगाएर विकृति फैलाइ भन्ने प्रति पनि कटाक्ष गर्न भ्याएकी थिईन । हजारौं दर्शक, साँझपख अनि ज्योतिको उत्ताउलो गीत र हर्कतलाई उमेर ढल्दै गएका आमा दिदीलाई अपाच्य लाग्यो । कतिपय महिलाहरु, छ्या, कस्ती छाडा आइमाई भन्दै महोत्सव स्थलबाट निस्किए । हुन पनि ज्योतिले गाँउले परिवेश र उपस्थित बुढाबुढीको ख्यालै नगरी कहिले स्पिकर माथि खुट्टा चडाएर त कहिले अवाञ्छित हाउभाउमा आफ्नो भित्रि वस्त्रनै देखिने गरि प्रस्तुति दिइरहेकी थिइन ।
यता, सोही कार्यक्रममा आएका धुर्मुस सुन्तलीले चितवनमा निर्माण गरिएको गौतम बुद्ध अन्तर्राष्ट्रिय क्रिकेट रंगशालामा भएको अनियमिततामा आफू माथि लागेको दाग मेटाउन हरतरहले प्रयत्न गर्दै थिए । तर दर्शक दीर्घबाट उनीहरुप्रति पहिला झैं सम्मान थिएन,गाली गरिरहेको सुनिन्थ्यो । १४ वर्षपछि लमजुङ पुगेका उनीहरुले आफूहरुले कुनै घोटाला नगरेको तर दाताहरूले ठगेको बताएका थिए । दिन्छु भनेर दिएनन् । हाम्रो ५४ करोड खर्च भएको छ । निर्माणका लागि ३ अर्ब ५५ करोड अनुमान गरिएको थियो राज्यले सहयोग गरेन । दाताहरूले घात गरे भन्दै चोखिन खोज्दै थिए ।
धुर्मुस उर्फ सीताराम कट्टेलले गृहमन्त्री रवि लामिछानेलाई घुमाउरो पारामा सहकारी प्रकरणमा चोखो नभएको, अनाधिकृत रुपले पदको दुरुपयोग गरेको आरोप त लगाएकै थिए । ज्योतिले झन कडा रुपमा रविको विरोध गरिन । चुनावका बेला विदेशमा भएका नेपालीलाई फर्काउने र स्वादेशमै जागिर दिलाउने भनेर निकै खोकेका रविले कति नेपाली फर्काएर रोजगारी दिलाए ? प्रश्न गरेकी थिइन् । खोया काण्डदेखि जिबि राईको प्रसङ्ग जोडेर ज्योतिले रविको उछित्तो काड्न छाडिनन । आलु खाएर पेडाको धक्कु भनेझै सानातिना चेपागाडा समात्ने, धम्क्याउने तर ठुला माछालाई जाल समेत नफाल्ने, नयाँ जोगी पुरानो खरानी रवि प्रति कटाक्ष थियो । गीत गाउँदा गाउँदै रविप्रति निकै आक्रामक बनेकि ज्योतिको कुरामा ड्युटीमा खटिएका प्रहरीले भने खुब चाख मानेको अनुमान लगाउन सकिन्थ्यो ।
आफ्नो देखेर बुढाहरुले खुव र्याल काटेको भन्दै पटक पटक स्पिकरमाथि खुट्टा चडाएर प्रस्तुति दिएकी ज्योतिलाई भारतीय पेन्सनवाला एक गुरुङ बाजेले देखियो देखियो भन्दै ज्योतिलाई उकासे । भने दोर्दी गाउँपलिकाका अध्यक्ष युवराज अधिकारीले ज्योतिको प्रशंसा गर्दै आफूलाई मनपर्ने गायिकामा पर्ने, उनको हक्की स्वभावको आफू फ्यान भएको बताए । उक्त कार्यक्रममा प्रमुख अतिथिको रुपमा आमन्त्रित अधिकारीले ज्योतिको जसले जति कुरा काटेपनि मार्केटमा उनको माग नघटेको बताएका थिए ।
यही चैत्र २३ गतेदेखि शुरु भएको आठौं लमजुङ महोत्सव को राष्ट्रपति रामचन्द्र पौडेलले उद्घाटन गर्नुभएको थियो । महोत्सवको बैशाख ३ गते समापन गरिने छ । धार्मिक, ऐतिहासिक, साँस्कृतिक र प्राकृतिक सम्पदाः दीगो पर्यटन उद्योग – समुन्नत लमजुङको मार्गदिशा भन्ने नारा सहित महोत्सवको उद्घाटन गरिएपनि लमजुङको पहिचान झल्कने, लमजुङको व्यवसायलाई प्रवर्द्धन हुने कुनै कार्यक्रम छैन ।
आयोजक लमजुङ उद्योग वाणिज्य सघले २१ लाखमा तेज बहादुर कार्की नामका ठेकेदारलाई महोत्सव गर्ने ठेक्का दिएपछि स्थानीय सहभागिता न्यून र कुनै स्टल नै देखिदैन । महोत्सवमा प्रायः तराई मुलका बासिन्दाको कपडा, भाडाकुडाको स्टल बाहेक खासै उल्लेखनीय स्टल देखिदैन । लमजुङ महोत्सवलाई ठेक्कामा लगाएपनि स्थानीय पालिकाहरुबाट लाखौको रकम सहयोग गरेको छ ।
