श्रम, रोजगार तथा सामाजिक सुरक्षामन्त्री शरतसिंह भण्डारी संयुक्त अरब इमिरेट्सको दुबईमा छँदै पदमुक्त भएका छन् । १९ फागुनमा दुबई उडेका मन्त्री भण्डारी नफर्किंदै उनको पद धरापमा परेको हो । काँगेस र माओवादीको सत्ता गठबन्धन भत्किएर नयाँ सत्ता समीकरण बनेसँगै मन्त्री पद धरापमा परेको हो ।
भण्डारी वैदेशिक रोजगार व्यवयायी संघले हिजो आयोजना गरेको ‘दुबई रोजगार मेला’को उदघाटनका लागि त्यता पुगेका थिए । कार्यक्रममा भाग लिन श्रमसचिव केवल प्रसाद भण्डारी, वैदेशिक रोजगार बोर्डका कार्यकारी निर्देशक डा द्वारिका उप्रेती, विभिन्न सञ्चारमाध्यमका पत्रकारहरूलगायत वैदेशिक रोजगार व्यवसायीहरू दुबई गएका छन् ।
बिज्ञापन
नयाँ मन्त्रिमण्डल पुनर्गठन गरेपछि भण्डारी विदेशमा रहँदै पदमुक्त भएका छन् । उनी आज राति स्वदेश फर्कने कार्यक्रम छ ।
बिज्ञापन
यसअघि परराष्ट्रमन्त्री एनपी साउद हिजो साँझ विदेश जानबाट रोकिएका थिए । राति काठमाडौंबाट फिनल्याण्डको हेलसिन्की उड्न ठिक्क परेको समयमा उनको भ्रमण स्थगित भएको थियो ।
