मुख्य सचिवसँग चार दिनको बिदा स्वीकृत गराएर विदेश उडेका सचिवलाई सतर्कता केन्द्रले पत्र काट्ने तयारी गरेको छ । गत महिना माघ ४ देखि ६ गतेसम्म यूएन हेबिट्याटले प्रायोजन तथा ओडिसा प्रान्त सरकारले आयोजना गरेको इनक्लुसिभ डिसेन्ट्रलाइज्ड सेनिटेसन एन्ड अर्बन ट्रान्सफर्मेसन’ कार्यक्रमको नेतृत्व गर्दै खानेपानी सचिव उडिसा पुगेर फर्किएको रहष्य खुलेपछि सतर्कता केन्द्रले त्यसबारेमा सचिव आचार्यसँग स्पष्टीकरण सोध्न लागेको हो । केन्द्र स्रोतले बिहिबार (भोलि) नै सचिव आचार्यलाई यस बारेमा स्पष्टीकरण पत्र काट्न लागेको जनाएको छ ।
बिज्ञापन
सचिव तहका कर्मचारी वैदेशिक भ्रमणमा निस्कदा क्याविनेटबाट स्वीकृत गराउनुपर्ने अनिवार्य व्यवस्था भए पनि सचिव आचार्य मन्त्रिपरिषदको स्वीकृतिबेगर विदेश भ्रमण गरी फर्किएको बिषय महिना दिन पछि सार्वजनिक भएसँगै केन्द्रले सचिव आचार्यसँग स्पष्टीकरण सोध्ने तयारी गरेको हो । सचिव आचार्यले मुख्य सचिव बैकुण्ठ अर्यालसँग चार दिनको घर बिदा स्वीकृत गराएर उक्त कार्यक्रममा पुगेको बिषय सार्वजनिक भएसँगै केन्द्रले स्पष्टीकरण पत्र काट्ने तयारी गरेको हो ।
बिज्ञापन
सचिव आचार्यको नेतृत्वमा मन्त्रालयका सहसचिवहरू मीना श्रेष्ठ, अर्जुन गौतम, खानेपानी तथा ढल व्यवस्थापन विभागका महानिर्देशक कमलराज श्रेष्ठ, विभागका दुई सीडीई रवीन्द्र पोखरेल र रतिश ओझासँगै खानेपानी मन्त्री यादवका छोरा सुनिल पनि सो कार्यक्रममा पुगेर फर्किसकेका छन् । खानेपानी मन्त्रीका छोरा सुनिल कर्मचारीको कोटामा उक्त कार्यक्रममा पुगेर फर्किएको बिषय सार्वजनिक भएसँगै यस अघि नै केन्द्रले खानेपानी मन्त्री महेन्द्र राय यादवलाई स्पष्टीकरण पत्र काटेको थियो ।
बिज्ञापन
