संघीय मामिला तथा सामान्य प्रशासन मन्त्रालयले जनगुनासो सम्बोधनका लागि सबै वडामा गुनासो सुनुवाई केन्द्र र मोबाइल गभर्नेन्सको व्यवस्था गर्न निर्देशन दिएको छ । मन्त्रालयले सबै स्थानीय तहलाई जनगुनासो सम्बोधनका लागि हरेक वडामा गुनासो सुनुवाई केन्द्र र मोबाइल गभर्नेन्सको व्यवस्था गरी सोको जानकारी गराउन लिखित निर्देशन पठाएको छ ।
बिज्ञापन
त्यस्तै, मन्त्रालयले स्थानीय तहमा भएको हालसम्मको भौतिक एवम् वित्तिय प्रगति विवरणको लागि ताकेता गरेको छ । ‘चालु आर्थिक वर्ष २०८०–८१ को नीति तथा कार्यक्रमको बुँदा नम्बर १६१ मा सबै सरकारी सेवा प्रवाहको एकद्वार प्रणाली विकास गरिने र जनगुनासो सम्बोधनका लागि हरेक वडामा गुनासो सुनुवाई केन्द्र र मोबाइल गभर्नेन्सको व्यवस्था गरिने व्यहोरा उल्लेख भएको छ । उक्त कार्यक्रमको कार्यान्वयनको लागि वडास्तरमा जनगुनासो सुनुवाई केन्द्र र मोबाइल गभर्नेन्सको व्यवस्था गरी सोको जानकारी यस मन्त्रालयलाई समेत गराउनुहुन…’, पत्रमा लेखिएको छ ।
बिज्ञापन
सरकारको नीति तथा कार्यक्रमको बुँदा नम्बर १६१ मा सबै सरकारी कार्यालयमा सेवा प्रवाहको एकद्वार प्रणाली विकास गरिने उल्लेख छ । त्यस्तै, जनगुनासो सम्बोधनका लागि हरेक वडामा गुनासो सुनुवाई केन्द्र र मोबाइल गभर्नेन्सको व्यवस्थासँगै हेलो सरकारलाई थप प्रभावकारी बनाउने भनिएको छ ।
बिज्ञापन
