नेपाल उद्योग वाणिज्य महासंघमा नयाँ नेतत्वका लागि आगामी चैत २९ गते निर्वाचन हुँदैछ । वरिष्ठ उपाध्यक्ष स्वतः अध्यक्ष हुने विधान अनुसार चन्द्रप्रसाद ढकालले आगामी तीन वर्षका लागि महासंघको नेतृत्व सम्हाल्दै छन् ।
बिज्ञापन
त्यसपछिको नेतृत्वको लागि यो वर्षको चुनावमा वरिष्ठ उपाध्यक्षसहित कार्य समितिका ६४ पदमा चर्को प्रतिस्पर्धा छ । महासंघको निर्वाचन समितिको कार्यालयका अनुसार ६४ पदका लागि ११८ जनाको प्रारम्भिक उम्मेदवारी परेको छ ।
बिज्ञापन
यसमध्ये लुम्बिनी प्रदेश सदस्यमा जमशेर मियाँ र नेपाल–भारत उद्योग वाणिज्य संघका प्रतिनिधि द्वि-राष्ट्रिय सदस्यमा सुनील केसी निर्विरोध निर्वाचित भएका छन् । बाँकी ११६ जना चुनावी प्रतिस्पर्धामा भिडिरहेको बेला भावी अध्यक्ष चन्द्र ढकाल वरिष्ठ उपाध्यक्षका तीन उम्मेदवारलाई मिलाउने कसरतमा छन् ।
वरिष्ठ उपाध्यक्षका तीन आकांक्षी रामचन्द्र संघई, उमेशलाल श्रेष्ठ र अञ्जन श्रेष्ठ प्यानलसहित निर्वाचनमा होमिएका छन् । यीमध्येका संघईसँग अनलाइनखबरका नवीन ढुंगानाले गरेको निर्वाचन केन्द्रित कुराकानीको सम्पादित अंश :
