कोशी प्रदेशभरिका प्रशासन कार्यालयमध्ये तेह्रथुम उत्कृष्ट घोषित भएको छ । गृह मन्त्रालयले मंगलबारमात्र देशभरका स्थानीय तहहरुको कार्यसम्पादन मूल्याकनको आधारमा नतिजा सार्वजनिक गरेको थियो । उक्त नतिजा अनुसार कोशी प्रदेशकै जिल्लाहरुमध्ये तेह्रथुम उत्कृष्ट घोषित भएको हो ।
बिज्ञापन
गृह मन्त्रालयले प्रमुख जिल्ला अधिकारीसँग कार्यसम्पादन सम्झौताका आधारमा तेह्रथुम ९६ दशमलव आठ सय ७५ अङ्क प्राप्त गरी उत्कृष्ट ठहरिएको हो ।गृहको रिर्पोट कार्ड अनुसार,सबैभन्दा अब्बल रुपन्देही जिल्ला प्रशासन देखिएको छ । यस्तै कार्यसम्पादनमा उत्कृष्ट १० जिल्लामा पाल्पा,बागलुङ,पश्चिम रुकुम, मकवानपुर, पर्वत जिल्ला रहेका छन् । यस्तै गुल्मी प्रशासन,तेह्रथुम,रोल्पा,सोलुखुम्बु र डडेलधुरा जिल्ला प्रशासन टप टेनभित्र पर्न सफल भएका छन् ।
बिज्ञापन
गृहको रिर्पोट कार्ड अनुसार,पाल्पा जिल्ला प्रशासनले ९७ दशमलव ७५ अंक ल्याएको छ भने बागलुङले ९७ दशमलव ६२, पश्चिम रुकुम जिल्ला प्रशासन कार्यालयले क्रमशः ९७ दशमलव ५ ल्याएको । यस्तै मकवानपुर जिल्ला प्रशासन र पर्वत जिल्ला प्रशासनले समान ९७ दशमलव ३७ अंक ल्याएका छन् । यस्तै गुल्मी जिल्ला प्रशासनले ९७ अंक ल्याउँदा तेह्रथुमले ९७ दशमलव ८७,रोल्पालेर ९७ दशमलव ७५, सोलुखुम्बु ९६ दशमलव ५८ र डडेलधुरा जिल्ला प्रशासन ९६ दशमलव ४३ अंक ल्याएका छन् । कार्यसम्पादन मूल्याकंनको रिर्पोट कार्ड अनुसार पुच्छरमा धनुषा जिल्ला प्रशासन रहेको छ ।
यस अघिको आर्थिक बर्षमा ३७ औं स्थानमा रहेको तेह्रथुम अघिल्लो आर्थिक बर्षमा आठौं स्थानमा रहेको छ । जिल्लामा शान्ति, सुरक्षा र अपराध नियन्त्रण, सुशासन र सेवा प्रवाह, विपद् जोखिम न्यूनीकरण तथा व्यवस्थापन, विकास निर्माण अनुगमन र समन्वयका आधारमा तेह्रथुमले उक्त अङ्क पाएको प्रमुख जिल्ला अधिकारी मीना अर्यालले बताइन् । अर्याल पछिल्लो चार महिना देखि उक्त जिल्लाको प्रमुख जिल्ला अधिकारीको कुर्सीमा छिन् । यस अघि २०८० जेठ ८ गतेदेखि चैत्रसम्म कृष्ण पौडेल उक्त जिल्लाको प्रमुख जिल्ला अधिकारी थिए । पौडेलले यस अघि रसुवा,ओखलढुङ्गाको प्रमुख जिल्ला अधिकारी चलाइसकेका कर्मचारी हुन । उनी गृह प्रशासनका अनुभवी प्रशासक मानिन्छन् । यस्तै मीनाले यस अघि नै अर्घाखाँचीको जिल्ला प्रशासन कमाण्ड गरिसकेकी छिन् । प्रमुख जिल्ला अधिकारीको रुपमा यो उनको यो दोश्रो जिल्ला हो ।
बिज्ञापन
कोशी प्रदेशको सोलुखुम्बु भने ७७ जिल्लाको सूचीमा दशौँ स्थान छ । यद्यपि कोशी प्रदेशमा भने दोस्रो स्थान हासिल गरेको छ । धनकुटा ९५ दशमलव आठ सय ७५ अङ्क प्राप्त गर्दै कोशी प्रदेशमा तेस्रो भएको छ ।
