नेपाली कांग्रेसका प्रभावशाली नेता रमेश लेखकले गृह मन्त्रालयको नेतृत्व सम्हालेपछि केही महत्त्वपूर्ण जिल्लामा प्रमुख फेर्ने तयारी भएको छ। ०८१ असार ३१ गते उनले नेतृत्व सम्हालेपछि गृह प्रशासनमा आमूल परिवर्तन र हेरफेर गर्ने तयारी गरिरहेको बुझिएको छ । गृह प्रशासन अन्तर्गतका महत्वपूर्ण पद मानिने बिभिन्न जिल्लामा प्रमुख जिल्ला अधिकारी भएर जानका लागि कांग्रेस निकट भनिएका कर्मचारीहरूले चलखेल गर्दै आएका छन् ।

काठमाडौं, ललितपुर, भक्तपुर, पर्सा, रूपन्देही, कास्की, कपिलवस्तु, दाङ, बाँके, कैलाली, झापा, मोरङ, सुनसरी, धनुषा, बारा, मकवानपुर त्यस्तै काभ्रे, सिन्धुपाल्चोक र रसुवाजस्ता भन्सार नाका भएका जिल्लाहरूको प्रमुख जिल्ला अधिकारी भएर जानको लागि कर्मचारीका बिचमा तछाडमछाड चलिरहेको छ ।त्यस्तै काठमाडौंका प्रमुख जिल्ला अधिकारी जितेन्द्र बस्नेतले जिम्मेवारी लिएको १३ महिना बढी भएको छ। उनलाई हटाएर अर्को व्यक्ति पठाउने गृहकार्यमा गृह मन्त्रालय जुटेको हो।