अबैध रूपमा अमेरिकी डलर ओसारपसार गर्ने एक जना पक्राउ परेका छन्। जिल्लाको गोसाइँकुण्ड गाउँपालिका–२ रसुवागढी टिमुरेबाट २० हजार अमेरिकी डलर सहित एक जना पक्राउ परेका हुन् ।
बिज्ञापन
पक्राउ पर्नेमा रसुवा आमाछोदिङमो गाउँपालिका ५ पाजुङ बस्ने बर्ष २२ को नुर्पु तामाङ छन्। टिमुरेबाट रसुवागढी नाकातर्फ पैदल हिंडीरहेको अवस्थामा इलाका प्रहरी कार्यालय टिमुरे, प्रहरी चौकी रसुवागढी, सशस्त्र प्रहरी बल नेपाल टिमुरे र रसुवा भन्सार कार्यालयको संयुक्त टोलीले नियमित चेकजाँचको क्रममा उनलाई प्रक्राउ गरिएको जिल्ला प्रहरी कार्यालय रसुवाले जनाएको छ।
बिज्ञापन
पक्राउ परेका उनलाई राजश्व अनुसन्धानमा बुझाइएको प्रहरी नायव उपरीक्षक केशव भट्टराईले बताए । तामाङको साथबाट अमेरिकी डलर १०० को २ सय थान गरी २० हजार बरामद गरिएको प्रहरीले जनाएको छ । तामाङले कम्मरको भागमा सेतो रङको पेटी भित्र (फल्स बटम) बनाई लुकाई छिपाई राखेको थिए ।
