प्रधानमन्त्री केपी शर्मा ओली नेतृत्वको सरकारले कीर्तिपुर क्रिकेट मैदानलाई रंगशाला बनाउने निर्णय गरेको छ ।
बिज्ञापन
चौथोपटक प्रधानमन्त्री बनेका नेकपा एमालेका अध्यक्ष ओलीसहित २२ मन्त्रीले सोमबार बिहान शपथ ग्रहण गरेका थिए । शपथ ग्रहणलगत्तै प्रधानमन्त्रीसहित मन्त्रीहरू मन्त्रालय पुगेर कार्यभार सम्हालेपछि मन्त्रिपरिषद् बैठक शुरू भएको थियो ।
बिज्ञापन
सोमबार बसेको मन्त्रिपरिषद् बैठकले ३०० दिनको समयसीमाभित्र क्रिकेट रंगशाला बनाइसक्ने निर्णय गरेको छ ।
बैठकबारे जानकारी गराउँदै एमाले अध्यक्ष समेत रहेका प्रधानमन्त्री ओालीले भनेका छन्, ‘पहिलो निर्णय– क्रिकेट रंगशाला! कीर्तिपुर क्रिकेट मैदानलाई सुविधासम्पन्न रंगशाला बनाउने, जसमा दर्शक बस्नको लागि प्यारापिट, रात्रिकालीन खेलको लागि फ्लडलाइट निर्माण गर्ने लगायत आवश्यक संरचना बनाउने निर्णय भएको छ।’
बिज्ञापन
यस्तै सरकारले मन्त्रिपरिषदको निर्णय २४ घण्टासम्म गोप्य राख्ने अभ्यासलाई फेरि सुरु गर्ने भएको छ । त्यस्तै, सरकारको प्रवक्तामा सञ्चारमन्त्री पृथ्वीसुब्बा गुरुङ तोकिएका छन् ।
