सरकार गठबन्धनको छ र सरकारी नियुक्तिहरु पनि भागबण्डामै चलिरहेको छ । हिजो बसेको क्याविनेट बैठकले विभिन्न तीन निकायमा नियुक्त गरेको छ । जसमा नेपाल आयल निगमको कार्यकारी निर्देशक,नेपाल दूरसञ्चार प्राधिकरणको अध्यक्ष र नेपाल स्वास्थ्य अनुसन्धान परिषद्को सदस्य सचिव । जसमा काँग्रेस र माओवादीले भागबण्डा गरेर ती पदमा आफ्ना मान्छे नियुक्त गरेको देखिन्छ । नेपाल दुरसञ्चार प्राधिकरणको अध्यक्षमा भूपेन्द्र भण्डारीलाई नियुक्त भएका छन् । भण्डारी सूचना तथा सञ्चार प्रविधि मन्त्री रेखा शर्माका सूचना प्रविधि सल्लाहकारका रुपमा कार्यरत थिए । कार्यकाल बाँकी छँदै अध्यक्ष पुरुषोत्तम खनाललाई राजीनामा दिन लगाएर त्यहाँ दरखास्त खुलाइएको थियो । जहाँ २५ जना आवेदकको आवेदन दिएका थिए । सर्ट लिष्टमा उनै भण्डारीसहित अरु दुई जनाको नाम सिफारिस भएकोमा क्याविनेट बैठकले भण्डारीलाई प्राधिकरणको अध्यक्षमा नियुक्त गरेको हो । दूरसञ्चार प्राधिकरण माओवादीले लिएको हो । यस्तै क्याविनेटले नेपाल आयल निगमको कार्यकारी निर्देशकमा चण्डीका भट्टलाई नियुक्ति गर्ने निर्णय गरेको छ ।
बिज्ञापन
कार्यकाल बाँकी छँदै उमेश थानीले राजीनामा दिएर हिडेसँगै रिक्त रहेको कार्यकारी निर्देशक पदका लागि आयल निगमले पुस ७ गते दरखास्त आह्वान गरेको थियो । आयल निगमको कार्यकारी खानका लागि १४ भाइले आवेदन दिएका थिए । जसमा गोर्खाका चण्डिकाप्रसाद भट्टसहितका मोरङका तीन जना पङ्कजकुमार दास, माधव रेग्मी र आमोदप्रसाद चौधरीले निवेदन दिएका छन् । त्यस्तै टोखा–६, काठमाडौँका दिलीप शेखर श्रेष्ठ, भीमसेन थापा गाउँपालिका–१, , लक्ष्मीपुर–८, दाङका वसन्तकुमार पाण्डे, बागलुङ नगरपालिका–९ का डोलिन्द्रप्रसाद शर्मा र ललितपुर महानगरपालिका–२४ का शत्रुध्नप्रसाद पुडासैनीले निवेदन दिएको मन्त्रालयले जनाएको छ । मन्त्रालयका अनुसार लोहारपट्टि नगरपालिका–३, महोत्तरीका कमलेन्द्रलाल कर्ण, बुढानीलकण्ठ नगरपालिका–८, काठमाडौँका उत्तरकुमार रेग्मी, भरतपुर महानगरपालिका–१४, चितवनका डा। डोलप्रसाद चापागाईँ, टोखा नगरपालिका–८, काठमाडौँका सहदेव चन्द, धनुषाधाम–२ का रामदेव यादव र राजविराज–१३, सप्तरीका सञ्जीवकुमार श्रेष्ठले निवेदन दिएका छन् ।
बिज्ञापन
यीमध्येबाट चण्डीका भट्ट,दोश्रोमा डोलप्रसाद चापागाई र तेश्रोमा शत्रुध्न प्रसाद पुडासैनी सर्ट लिष्टमा परेका छन् । काँग्रेसको नेतृत्वसँग अति निकट देखिएका र चतुर खेलाडीका रुपमा चिनिएका भट्ट नै आयल निगमको कार्यकारीको कुर्सीमा पुग्ने निश्चित रहेको खबर हिजै बिहान मात्र कर्मचारी प्रेसले सार्वजनिक गरेको थियो ।
आयल निगमको कार्यकारीको कुर्सीमा भट्ट पुग्ने पक्कापक्की
बिज्ञापन
