त्रिभुवन विश्वविद्यालयले स्नातकोत्तर तह प्रथम वर्षको आंशिक तथा प्राइभेट परीक्षा दिने परीक्षार्थीहरुका लागि परीक्षा आवेदन फाराम भर्न सूचना प्रकाशित गरेको छ ।

परीक्षा नियन्त्रण कार्यालय बल्खुद्वारा वार्षिक परीक्षा प्रणाली अनुसार २०७९ सालको २०८१ सालमा संचालन हुने स्नातकोत्तर तह प्रथम वर्षको परीक्षा दिने मानविकी, व्यवस्थापन, शिक्षाशास्त्र संकाय र एम.पि.ए. तर्फका आंशिक तथा प्राइभेट परीक्षार्थीहरुले आ-आफ्‌नो क्याम्पसमा मिति २०८१ साल जेष्ठ २ गतेदेखि २०८१ साल जेष्ठ ३१ गते सम्ममा नियमित दस्तुर र साधारण म्याद सकिएको एक हप्ता भित्र दोब्बर दस्तुर सहित आवेदन फाराम भरी बुझाउन हुन सम्बन्धित सबैको जानकारीको लागि सूचना प्रकाशित गरिएको हो ।