साईमेक्स् इन्क. प्रा. लि. को नेपालका लागि आधिकारिक वितरक बिवाइडी अटो इन्डस्ट्री कम्पनी लिमिटेडले आयोजना गरेको `नेपाली अब युरो कपमा´ अन्तर्गत लक्की ड्र मार्फत विजेता घोषणा कार्यक्रम सम्पन्न भएको छ। विजेताहरुले जर्मनीमा हुने यूईएफए यूरो कप २०२४ खेल मैदानमा उपस्थित भई प्रत्यक्ष खेल हेर्ने मौका पाउनु भएको छ। यस आयोजना अत्यन्तै रोचक रहेको र विजेताहरुलाई अविस्मरणीय अवसर प्रदान गरेको कम्पनीले जनाएको छ।
बिज्ञापन
साईमेक्स् इन्क. प्रा. लि. ले यो सुवर्ण अवसरको लागि फेब्रुअरी २६, २०२४ देखि मे ५ सम्म बिवाइडी गाडी बुकिङ गर्ने ग्राहकहरुबाट ११ जना भाग्यशाली ग्राहकहरु लक्की ड्रबाट चयन गरि विजेता घोषित गरिएको हो। बिवाइडी नेपालका ब्रान्ड एम्बेसडर श्री हरिवंश आचार्य ज्यू र साईमेक्स् इन्क. का अध्यक्ष श्री अनिल श्रेष्ठ ज्यूले संयुक्त रुपमा लक्की ड्र कार्यक्रम गर्नु भएको थियो।
बिज्ञापन
`नेपाली अब युरो कपमा´ योजनाका विजेताहरुलाई साईमेक्स् इन्क. प्रा. लि. ले व्यक्तिगत रुपमा सम्पर्क गर्नेछ। कम्पनीले सम्पूर्ण योजानामा सहभागी सबैलाई उत्साहजनक सहभागिताको लागि हार्दिक आभार प्रकट गरेको छ र भविष्यमा थप रोमाञ्चक योजनाहरु लिएर आउने प्रतिबद्धता व्यक्त गरेको छ।
