महालेखा नियन्त्रक कार्यालयका झण्डै दुई दर्जन उपसचिव एकैचोटी सरुवा भएका छन् । कार्यालय मातहत विभिन्न निकायमा कार्यरत तिनको सरुवा गरिएको हो ।
बिज्ञापन
जसअनुसार विद्युत विकास विभागका भीमप्रसाद रेग्मी खानेपानी तथा ढल व्यवस्था विभागमा सरुवा भएका छन् । भेरी बबई डाइभर्सन बहुउद्देश्यीय आयोजना,सुर्खेतमा कार्यरत नवराज घिमिरेलाई काठमाडौँस्थित युवा तथा साना व्यवसायी स्वरोजगार कोषमा ल्याइएको छ ।
बिज्ञापन
कोष तथा लेखा नियन्त्रक कार्यालय, सिन्धुपाल्चोक दरबन्दी भएका केशवराज सुवेदीलाई उद्योग, वाणिज्य तथा आपूर्ति मन्त्रालयमा सरुवा गरिएको छ । कोषको मकवानपुर जिल्ला कार्यालयमा कार्यरत रमेश अर्याललाई कास्कीस्थित सोही कार्यालयमा पठाइँदा कैलालीको रानी जमरा गुलरिया सिन्चाई आयोजनाका मुक्तिनाथ न्यौपाने सार्वजनिक खरिद अनुगमन कार्यालय,काठमाडौं आएका छन् ।
कोषको जिल्ला कार्यालय कपिलवस्तुका भीमार्जुन ज्ञवाली स्वास्थ्य बीमा बोर्डमा आएका छन् भने शहरी खानेपानी तथा सरसफाइ आयोजनाका पुष्प गुरागाई प्रधानमन्त्री कृषि आधुनिकीकरण परियोजनामा सरुवा भएका छन् ।
बिज्ञापन
त्यस्तै,कोषको जुम्ला कार्यलयका जागुराम चौधरी विद्युत विकास विभागमा ल्याइएका छन् । अख्तियार दुरुपयोग अनुसन्धान आयोगका रमेश पौडेललाई श्रम रोजगार तथा सामाजिक सुरक्षा मन्त्रालय लगिएको छ ।
काठमाडौंस्थित खानेपानी तथा ढल व्यवस्थापन विभागका कमल सापकोटालाई वन तथा भूसंरक्षण विभाग पठाइएको छ । कोष तथा लेखा नियन्त्रक कार्यालय,सप्तरीका शरणहरि लुइँटेल सिन्धुपाल्चोकस्थित सोही कार्यालयमा सरुवा भएका छन् ।
नेपाल लाइभस्टक सेक्टर इनोभेसन आयोजना, काठमाडौंमा कार्यरत अशोककुमार गिरीलाई कोषको सिराहा कार्यालय पठाइएको छ । गुल्मीका छविन्द्र बेलबासे अर्घाखाँचीस्थित सोही कार्यालय पुगेका छन् ।
महालेखा नियन्त्रक कार्यालय काठमाडौंकी मञ्जुकुमारी जैसी ढकाललाई कोषको रुपन्देही कार्यालय सरुवा गरिएको छ पुगेकी छन् भने वन तथा भूसंरक्षण विभागका भवराज जोशीलाई कोषको लमजुङ कार्यालय पठाइएको छ ।
यस्तै, महालेखा नियन्त्रक कार्यालयका दिनेश रेग्मी मकवानपुरस्थित कोष तथा लेखा नियन्त्रक कार्यालय सरुवा हुँदा कोषको सर्लाही कार्यालयका निर्मल न्यौपाने सुनसरीस्थित सोही कार्यालय पुगेका छन् ।
रौतहटस्थित कार्यालयमा कार्यरत राजनकुमार फुयाललाई सुनसरी मोरङ सिँचाई आयोजना, मोरङ पठाइएको छ । कोषको सल्यान कार्यालयका रुक्मागत अर्याल कपिलवस्तु लगिएका छन् ।
यसैगरी, कोषको ओखलढुंगा र बैतडी कार्यालयका भुपेन्द्रबहादुर मल्ल र मदन मगराती क्रमशस् रामेछाप र सुर्खेतस्थित सोही कार्यालयमा सरुवा भएका छन् ।
